بيىل قىزىلوردا مەن جەزقازعان قالالارىن جالعايتىن ۇزىندىعى 420 شاقىرىمدىق جولدىڭ قۇرىلىسى باستالادى. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«بۇل - ٶتە ٶزەكتٸ مەسەلە. بٷكٸل قىزىلوردا وبلىسىنىڭ, قازاقستاننىڭ وڭتٷستٸگٸنٸڭ تۇرعىندارى وسى جولدىڭ اشىلۋىن كٷتٸپ جٷر. جەزقازعان-قىزىلوردا جولىنىڭ ۇزىندىعى 420 شاقىرىمدى قۇرايدى. جوبالىق بارلىق قۇجاتى دايىن, ٷيلەستٸرۋ كەڭەسٸنەن ٶتتٸك. قارجىلاندىرۋ ينستيتۋتتارىمەن قارجىلاندىرۋ مەسەلەسٸن كەلٸستٸك. بيىل وسى جولدىڭ قۇرىلىسىن باستاۋدى جوسپارلاپ وتىرمىز. شىنىمەن دە بۇل جول كەڭەس زامانىندا, 70-شى جىلدارى سالىنعان. قىزىلوردا مەن جەزقازعاندى جالعايتىن بۇل جول جارامسىز بولىپ قالدى دەسەك تە ارتىق ەمەس. 3,5 جىلدىڭ ٸشٸندە جولدى سالىپ شىعۋدى كٶزدەپ وتىرمىز. سول كەزدە قىزىلوردانىڭ, وڭتٷستٸك قازاقستاننىڭ تۇرعىندارى وسى قىسقا جولمەن جٷرە الادى», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ول اتالعان جولدىڭ ەلەۋمەتتٸك-ەكونوميكالىق ماڭىزى زور ەكەندٸگٸن باسا ايتتى.
«قۇرىلىس جۇمىستارىن وسى جىلى باستاپ كەتەمٸز. بارلىعى ماقۇلدانعان», - دەدٸ بەيبٸت اتامقۇلوۆ.
