Foto: Polisia.kz
Jetisý oblysynda "Qarasora-2025" respýblikalyq jedel-aldyn alý is-sharasy aiasynda esirtki qylmystaryna qarsy is-qimyl basqarmasynyń qyzmetkerleri esirtki taratý arnasyn áshkerelep, onyń jolyn kesti, dep habarlaidy Ult.kz.
Operatsiia barysynda jedel baqylaý uiymdastyrylyp, erekshe iisi bar, jasyl tústi ósimdik tektes zat salynǵan zip-paketter jasyrylǵan eki snek qaptamasy satyp alyndy. Sot-himiialyq saraptamanyń qorytyndysy boiynsha tárkilengen zat — jalpy salmaǵy 2,5 gramm bolatyn marihýana bolyp shyqty.
Kúdiktiniń — 36 jastaǵy Taldyqorǵan qalasynyń turǵyny ekeni anyqtalǵannan keiin, onyń turǵylyqty mekenjaiynda tintý júrgizildi. Nátijesinde mynandai zattar tabylyp, tárkilendi:
- - belgisiz tuqymdar salynǵan 3 plastik jáne 4 polietilen qaptama;
- - qoldan jasalǵan esirtki shegýge arnalǵan qurylǵy;
- - qońyr tústi untaq salynǵan zip-paket;
- - tyńaitqysh quiylǵan 7 bótelke;
- - syrtqy pishini qarasoraǵa uqsas ósimdik egilgen 2 gúlsaýyt.
Saraptama nátijeleri boiynsha alynǵan ósimdikterdiń 18 gramy — keptirilmegen qarasora, al 34 gramy — keptirilgen marihýana ekeni anyqtaldy. Sonymen qatar materialdardan kannabis tektes ózge de esirtki zattary tirkeldi.
Tergeý barysynda kúdiktiniń úiinde esirtki quramyndaǵy ósimdikterdi ósirýge arnalǵan arnaiy fitozerthana uiymdastyrylǵany belgili boldy. Onda tyńaitqyshtar men jaryqtandyrý quraldary qoldanylǵan. Ósirý nátijesinde alynǵan ónim azyq-túlik qaptamalaryna jasyryla otyryp, tutynýshylarǵa ótkizilgen.
Atalǵan fakti boiynsha sotqa deiingi tergep-tekserý amaldary júrgizilýde. Kúdikti qamaýǵa alyndy.
Esirtki zattaryn zańsyz satyp alý, saqtaý, tasymaldaý, ótkizý nemese satý — Qazaqstan Respýblikasy Qylmystyq kodeksine sáikes aýyr qylmys bolyp sanalady. Mundai áreketter úshin múlkin tárkilei otyryp, 5 jyldan 8 jylǵa deiin bas bostandyǵynan aiyrý jazasy qarastyrylǵan.
