فوتو: Polisia.kz
جەتٸسۋ وبلىسىندا "قاراسورا-2025" رەسپۋبليكالىق جەدەل-الدىن الۋ ٸس-شاراسى اياسىندا ەسٸرتكٸ قىلمىستارىنا قارسى ٸس-قيمىل باسقارماسىنىڭ قىزمەتكەرلەرٸ ەسٸرتكٸ تاراتۋ ارناسىن ەشكەرەلەپ, ونىڭ جولىن كەستٸ, دەپ حابارلايدى Ult.kz.
وپەراتسييا بارىسىندا جەدەل باقىلاۋ ۇيىمداستىرىلىپ, ەرەكشە يٸسٸ بار, جاسىل تٷستٸ ٶسٸمدٸك تەكتەس زات سالىنعان zip-پاكەتتەر جاسىرىلعان ەكٸ سنەك قاپتاماسى ساتىپ الىندى. سوت-حيمييالىق ساراپتامانىڭ قورىتىندىسى بويىنشا تەركٸلەنگەن زات — جالپى سالماعى 2,5 گرامم بولاتىن ماريحۋانا بولىپ شىقتى.
كٷدٸكتٸنٸڭ — 36 جاستاعى تالدىقورعان قالاسىنىڭ تۇرعىنى ەكەنٸ انىقتالعاننان كەيٸن, ونىڭ تۇرعىلىقتى مەكەنجايىندا تٸنتۋ جٷرگٸزٸلدٸ. نەتيجەسٸندە مىنانداي زاتتار تابىلىپ, تەركٸلەندٸ:
- - بەلگٸسٸز تۇقىمدار سالىنعان 3 پلاستيك جەنە 4 پوليەتيلەن قاپتاما;
- - قولدان جاسالعان ەسٸرتكٸ شەگۋگە ارنالعان قۇرىلعى;
- - قوڭىر تٷستٸ ۇنتاق سالىنعان zip-پاكەت;
- - تىڭايتقىش قۇيىلعان 7 بٶتەلكە;
- - سىرتقى پٸشٸنٸ قاراسوراعا ۇقساس ٶسٸمدٸك ەگٸلگەن 2 گٷلساۋىت.
ساراپتاما نەتيجەلەرٸ بويىنشا الىنعان ٶسٸمدٸكتەردٸڭ 18 گرامى — كەپتٸرٸلمەگەن قاراسورا, ال 34 گرامى — كەپتٸرٸلگەن ماريحۋانا ەكەنٸ انىقتالدى. سونىمەن قاتار ماتەريالداردان كاننابيس تەكتەس ٶزگە دە ەسٸرتكٸ زاتتارى تٸركەلدٸ.
تەرگەۋ بارىسىندا كٷدٸكتٸنٸڭ ٷيٸندە ەسٸرتكٸ قۇرامىنداعى ٶسٸمدٸكتەردٸ ٶسٸرۋگە ارنالعان ارنايى فيتوزەرتحانا ۇيىمداستىرىلعانى بەلگٸلٸ بولدى. وندا تىڭايتقىشتار مەن جارىقتاندىرۋ قۇرالدارى قولدانىلعان. ٶسٸرۋ نەتيجەسٸندە الىنعان ٶنٸم ازىق-تٷلٸك قاپتامالارىنا جاسىرىلا وتىرىپ, تۇتىنۋشىلارعا ٶتكٸزٸلگەن.
اتالعان فاكتٸ بويىنشا سوتقا دەيٸنگٸ تەرگەپ-تەكسەرۋ امالدارى جٷرگٸزٸلۋدە. كٷدٸكتٸ قاماۋعا الىندى.
ەسٸرتكٸ زاتتارىن زاڭسىز ساتىپ الۋ, ساقتاۋ, تاسىمالداۋ, ٶتكٸزۋ نەمەسە ساتۋ — قازاقستان رەسپۋبليكاسى قىلمىستىق كودەكسٸنە سەيكەس اۋىر قىلمىس بولىپ سانالادى. مۇنداي ەرەكەتتەر ٷشٸن مٷلكٸن تەركٸلەي وتىرىپ, 5 جىلدان 8 جىلعا دەيٸن باس بوستاندىعىنان ايىرۋ جازاسى قاراستىرىلعان.
