Foto: www.gazeta.uz
Jetisý oblysynyń densaýlyq saqtaý mekemelerinde tiisti sertifikattarsyz jáne litsenziiasyz qyzmetter kórsetilgen, dep habarlaidy oblystyq prokýratýranyń baspasóz qyzmeti.
Qaratal aýdanynyń prokýratýrasy densaýlyq saqtaý mekemelerine tekserý júrgizdi. Tekserý barysynda meditsina salasyndaǵy zań talaptarynyń saqtalýy qaraldy. Nátijesinde tiisti sertifikaty men meditsinalyq qyzmet kórsetýge litsenziiasy joq mamandardyń halyqqa qyzmet kórsetkeni anyqtaldy.
— Aýdandyq prokýratýranyń qadaǵalaý aktileri boiynsha, ÁQBtK-niń 424-baptyń 1-bóligi, 426-baptyń 1-bóligi jáne 464-baptyń 1-bóligi boiynsha 20 adam ákimshilik jaýaptylyqqa tartyldy, onyń ishinde 3 basshyǵa — ortalyq aýdandyq aýrýhananyń bas dárigeri jáne onyń orynbasarlaryna 4 049 960 teńge mólsherinde ákimshilik aiyppul salyndy. Sonymen qatar, tekserý aiasynda 4 jaýapty tulǵa (aýyldyq aýrýhana basshylary) meditsina qyzmetkerleriniń halyqty vaktsinatsiialaý erejelerin buzǵandyqtary úshin ÁQBtK-niń 425-babynyń 1-bóligi boiynsha 157 280 teńge kóleminde aiyppul túrindegi ákimshilik jaýaptylyqqa tartyldy, — delingen vedomstvo habarlamasynda.
Osy tekserýmen 148 adamnyń quqyǵy qorǵaldy, onyń 100-den astamy kámeletke tolmaǵan balalar. Qadaǵalaý aktisi boiynsha biýdjetke 12,8 mln teńge qaitaryldy.
Osydan buryn DSM tekserisinen keiin 250-ge jýyq emdeý kabineti jabylǵany belgili boldy.
