فوتو: www.gazeta.uz
جەتٸسۋ وبلىسىنىڭ دەنساۋلىق ساقتاۋ مەكەمەلەرٸندە تيٸستٸ سەرتيفيكاتتارسىز جەنە ليتسەنزيياسىز قىزمەتتەر كٶرسەتٸلگەن, دەپ حابارلايدى وبلىستىق پروكۋراتۋرانىڭ باسپاسٶز قىزمەتٸ.
قاراتال اۋدانىنىڭ پروكۋراتۋراسى دەنساۋلىق ساقتاۋ مەكەمەلەرٸنە تەكسەرۋ جٷرگٸزدٸ. تەكسەرۋ بارىسىندا مەديتسينا سالاسىنداعى زاڭ تالاپتارىنىڭ ساقتالۋى قارالدى. نەتيجەسٸندە تيٸستٸ سەرتيفيكاتى مەن مەديتسينالىق قىزمەت كٶرسەتۋگە ليتسەنزيياسى جوق مامانداردىڭ حالىققا قىزمەت كٶرسەتكەنٸ انىقتالدى.
— اۋداندىق پروكۋراتۋرانىڭ قاداعالاۋ اكتٸلەرٸ بويىنشا, ەقبتك-نٸڭ 424-باپتىڭ 1-بٶلٸگٸ, 426-باپتىڭ 1-بٶلٸگٸ جەنە 464-باپتىڭ 1-بٶلٸگٸ بويىنشا 20 ادام ەكٸمشٸلٸك جاۋاپتىلىققا تارتىلدى, ونىڭ ٸشٸندە 3 باسشىعا — ورتالىق اۋداندىق اۋرۋحانانىڭ باس دەرٸگەرٸ جەنە ونىڭ ورىنباسارلارىنا 4 049 960 تەڭگە مٶلشەرٸندە ەكٸمشٸلٸك ايىپپۇل سالىندى. سونىمەن قاتار, تەكسەرۋ اياسىندا 4 جاۋاپتى تۇلعا (اۋىلدىق اۋرۋحانا باسشىلارى) مەديتسينا قىزمەتكەرلەرٸنٸڭ حالىقتى ۆاكتسيناتسييالاۋ ەرەجەلەرٸن بۇزعاندىقتارى ٷشٸن ەقبتك-نٸڭ 425-بابىنىڭ 1-بٶلٸگٸ بويىنشا 157 280 تەڭگە كٶلەمٸندە ايىپپۇل تٷرٸندەگٸ ەكٸمشٸلٸك جاۋاپتىلىققا تارتىلدى, — دەلٸنگەن ۆەدومستۆو حابارلاماسىندا.
وسى تەكسەرۋمەن 148 ادامنىڭ قۇقىعى قورعالدى, ونىڭ 100-دەن استامى كەمەلەتكە تولماعان بالالار. قاداعالاۋ اكتٸسٸ بويىنشا بيۋدجەتكە 12,8 ملن تەڭگە قايتارىلدى.
وسىدان بۇرىن دسم تەكسەرٸسٸنەن كەيٸن 250-گە جۋىق ەمدەۋ كابينەتٸ جابىلعانى بەلگٸلٸ بولدى.
