Foto: istockphoto.com
Jetisý oblysynda iri kólemdegi mal urlyǵy tirkelip, baqtashynyń oqiǵaǵa qatysy bar ekeni anyqtaldy, dep habarlady oblystyq politsiia departamenti.
Eskeldi aýdanynyń turǵyny politsiiaǵa shaǵym túsirip, jaiylymda júrgen 81 bas asyl tuqymdy «Alataý» siyrynyń 39-y joǵalǵanyn málimdegen. Keltirilgen shyǵyn kólemi 46 million teńgeden asyp otyr.
Oqiǵa ornyna jedel jetken politsiia qyzmetkerleri dereý izdestirý sharalaryn bastaǵan.
Tergeý barysynda kúdiktiniń 45 jastaǵy baqtashy ekeni belgili boldy. Ol mal iesiniń senimine kirip, 17 jyl boiy sharýashylyqta jumys istegen. Alaida onyń urlyqqa qatysy dáleldenip, kúdikti ustalyp, qamaýǵa alyndy.
Qazirgi ýaqytta atalǵan derek boiynsha qylmystyq is qozǵalyp, sotqa deiingi tergeý júrgizilýde. Urlanǵan mal tolyqtai iesine qaitarylǵan.
