Jetisýlyq aqyn-jazýshylardyń 2017 jyldyń I toqsanynda Almaty oblysy ákiminiń qoldaýymen shyqqan kitaptarynyń tusaýkeseri Taldyqorǵan qalasyndaǵy Til saraiynda ótti. Oqyrmandarǵa túrli mazmundaǵy 39 kitap tanystyryldy. Olardyń arasynda poziialyq, prozalyq, ǵylymi jáne pýblitsistikalyq kitaptar bar.
«Jyrǵa tunǵan mekenim - Jetisýym» atty tusaýkeser sharasyn oblys ákiminiń orynbasary Jaqsylyq Omar júrgizdi.
- Mádeniet pen ádebietke qamqorlyq jasaý maqsatynda Memleket basshysy osydan 14 jyl buryn «Mádeni mura» memlekettik baǵdarlamasyn júzege asyrýdy tapsyrǵan bolatyn. Osy baǵdarlama aiasynda 2006 jyldan beri Jetisý qalamgerleriniń kitaptaryn shyǵarý dástúrge ainalyp keledi. Jyl saiyn oqyrmanǵa jol tartqan jańa jinaqtar óńirdiń rýhaniiatyna úlken úles bolyp qosylyp, jas urpaqtyń tanymyn keńeitýge yqpal etip keledi, - dedi Jaqsylyq Omar.
Sonymen qatar obly ákiminiń orynbasary oblys kitaphanalaryna engizilip jatqan «Elektrondy memlekettik kitaphana qory» jobasy sheńberinde shyǵarylǵan kitaptardyń sandyq taspaǵa engizý júrip jatqanyn jáne basqa da atqarylǵan jumystarǵa toqtalyp ótti.
Munan soń «Sezim syry» kitabynyń avtory Hasen Kóptileýov aq batasyn berip, Qazaqstannyń halyq ártisi, akter Nurjuman Yqtymbaevpen birge kitaptardyń lentasyn qidy.
Tusaýy kesilgen kitap avtorlary ózara pikir almasyp, oilaryn ortaǵa saldy. Olardyń qatarynda Qazaqstan Sýret akademiiasynyń prezidenti Amanqos Aqanaev, «Kartinalar toptamasy» fotoalbomynyń avtory Marat Núsipov, «Jeńis - Pobeda» kitabynyń avtory Viktor Nikitin, «Aiqabaq» kitabynyń avtory Ámire Árin, sol siiaqty «Taý men ózen baiany», «Jetisýǵa quiylǵan jylǵalar» atty jinaq kitaptarynyń qurastyrýshylary Erlan Júnis, Esbolat Aidabosyn jáne basqalary bar.
Sóz sóilegender Almaty oblysynda ádebiettiń damýyna erekshe kóńil bólinetinin atap ótip, kitap shyǵarýǵa kórsetilgen qoldaýlar úshin rizashylyqtaryn bildirdi.
"Ult aqparat"
