Jańadan qurylǵan Jetisý oblysynyń ákimi taǵaiyndaldy, - dep habarlaidy "Ult aqparat" Aqorda saityna silteme jasap.
"Beibit Óksikbaiuly Isabaev Jetisý oblysynyń ákimi laýazymyna taǵaiyndalsyn, onyń Qazaqstan Respýblikasy Parlamenti Senatynyń depýtattyq ókilettigi toqtatylsyn", - delingen Prezident Jarlyǵynda.
Beibit Isabaev 1962 jyly 4 jeltoqsanda dúniege kelgen.
Ol 1985 jyly S.M. Kirov atyndaǵy qazaq memlekettik ýniversitetin jýrnalist mamandyǵy boiynsha bitirgen. Al 1999 jyly Qazaqstan Respýblikasy Syrtqy ister ministrliginiń diplomatiialyq akademiiasyn halyqaralyq maman degen mamandyq boiynsha támamdaǵan.
Eńbek jolyn 1985-1987 jyldary Qazaq SSR-nyń tele-radio kórsetilim jónindegi memlekettik komitetiniń redaktory qyzmetinen bastaǵan.
1987-1991 jj. - «Leninshil Jas» respýblikalyq gazetiniń tilshisi, bólim meńgerýshisi. 1991-1994 jj. - «Órken», «Gorizont» gazetteri redaktorynyń orynbasary, redaktory.
1994-1995 jj. - Qazaq memlekettik televideniiasynyń bas direktory, Almaty qalasy ákimshiligi basshysynyń orynbasary, basshysy, Almaty qalasy ákimdigi ishki saiasat komitetiniń tóraǵasy.
1995-1997 jj. – Almaty qalasy ákiminiń orynbasary.
1997-1999 jj. – Qazaqstan Respýblikasy Syrtqy ister ministrligi diplomatiialyq akademiiasynyń tyńdaýshysy. 1999-2000 jj. - Qazaqstan Respýblikasy Syrtqy ister ministrligi ákimshiligi departamentiniń direktory. 2000-2002 jj. – Qazaqstan Respýblikasy Premer-ministri keńsesiniń úkimettik aqparat bóliminiń meńgerýshisi, Qazaqstan Respýblikasy Syrtqy ister ministriniń keńesshisi, Qazaqstan Respýblikasy Syrtqy ister ministriniń erekshe tapsyrmalar jónindegi elshisi.
2002-2003 jj. - «Orta Aziialyq yntymaqtastyq» uiymdastyrý máseleleri boiynsha Qazaqstan Respýblikasynyń ulttyq úilestirýshi. 2003-2006 jj. – Qazaqstan Respýblikasynyń Pákistan Islam Respýblikasyndaǵy tótenshe jáne ókiletti elshisi.
2006-2008 jj. - Qazaqstan Respýblikasynyń Túrkiia Respýblikasyndaǵy tótenshe jáne ókiletti elshisi, Qazaqstan Respýblikasynyń Albaniia Respýblikasyndaǵy tótenshe jáne ókiletti elshisi jáne Qazaqstan Respýblikasy mádeniet jáne aqparat vitse-ministri qyzmetin qosa atqarǵan.
2008-2009 jj. - Qazaqstan Respýblikasy Prezidentiniń baspasóz hatshysy.
2009-2015 jj. - Qazaqstan Respýblikasynyń Qyrǵyz Respýblikasyndaǵy tótenshe jáne ókiletti elshisi. 2015-2019 jj. - Qazaqstan Respýblikasynyń Ázerbaijan Respýblikasyndaǵy tótenshe jáne ókiletti elshisi.
2019 jyly Qazaqstan Respýblikasy Prezidentiniń Parlamenttegi Ókildigi basshysy qyzmetin atqardy. 2022 jyldyń qańtarynan QR Senatynyń depýtaty boldy.
