Áleýmettik jelilerde avtomobil jolynda kókpar ótkizgen shabandozdardyń videosy tarap jatyr, - dep habarlaidy Tengrinews.kz.
Oqiǵa ótken demalys kúnderi bolǵan. Ashýly júrgizýshiler videony Taldyqorǵan-Tekeli tasjolynda túsirgen.
Oblystyq politsiia departamentiniń baspasóz qyzmeti at jarysyn uiymdastyrýshylar ustalǵanyn málimdedi.
"Izdestirý is-sharalary barysynda politsiia qyzmetkerleri at jarysyn kim uiymdastyrǵanyn anyqtady, kóp uzamai qatysýshylardy da tapty. Qazirgi ýaqytta olarǵa qatysty ÁQBtK-niń 614-baby boiynsha hattamalar toltyrylyp, profilaktikalyq áńgime júrgizildi. Qatysýshylar oiynǵa berilip, joldyń júris bóligine qalai shyǵyp ketkenin baiqamai qalǵanyn aitty. Shabandozdar jol qozǵalysyna qatysýshylarǵa qandai da bir ziian keltirgen joq", - dep habarlady vedomstvonyń baspasóz qyzmetindegiler.
