Foto: pixabay.com
Jetisý oblysynda dárigerlerdiń áreketinen onkologiialyq aýrýy bar 18 adam múgedektik ala almaǵan. Bul týraly Jetisý óńirlik prokýratýrasyna silteme jasaǵan ULT.KZ habarlaidy.
Konstitýtsiianyń 28-baby memlekettiń múgedektik mártebesi bar azamattarǵa eń tómengi jalaqy mólsherinde tólem alýǵa kepildik beretinin eskertken prokýratýra ókilderi 2024 jyly meditsinalyq uiymdar 3-4 toptaǵy onkologiialyq dispanserlik esepte turǵan oblystyń 18 turǵynyn meditsinalyq-áleýmettik saraptamaǵa jibermegenin anyqtady.
Aita keteiik, Meditsinalyq-áleýmettik saraptama – tekseriletin tulǵanyń klinikalyq-fýnktsionaldyq, áleýmettik, kásibi jáne psihologiialyq derekterin taldaý negizinde aǵzanyń jaǵdaiyn keshendi baǵalaý.
"Osylaisha, olar múgedektigin rásimdeý jáne kepildik berilgen áleýmettik járdemaqy alý múmkindiginen aiyrylǵan. Prokýrorlyq qadaǵalaý aktisine sáikes barlyq buzýshylyqtar joiyldy, barlyq adamdar meditsinalyq-áleýmettik saraptamaǵa jiberildi, olardyń ekeýi áleýmettik tólemderdi taǵaiyndaý arqyly múgedektik mártebesin aldy", - delingen habarda.
Al azamattardyń áleýmettik qamsyzdandyrý quqyǵyn buzǵany úshin 3 meditsina qyzmetkeri jaýapkershilikke tartylǵan.
