Foto: pexels.com
Jetisý oblysy Kerbulaq aýdany prokýratýrasy bilim bólimi býhgalterleriniń biýdjet qarajatyn jymqyrý faktisin anyqtady. Bul týraly Bas prokýratýra habarlady.
2021-2023 jyldar aralyǵynda bilim bóliminiń úsh býhgalteri bilim bóliminde jumys istemeitin adamdarǵa zańsyz jalaqy men eńbek demalysy járdemaqysyn aýdarǵanyn anyqtady.
Keltirilgen shyǵyn - 34 mln teńge.
Osy fakt boiynsha oblys prokýratýrasy tergeý júrgizip, nátijesinde Qylmystyq kodekstiń 190-babynyń 4-bóligi 2-tarmaǵy (alaiaqtyq) boiynsha qylmystyq is sotqa joldandy.
"Sot úkimimen býhgalterler Qylmystyq kodekstiń 63-baby (shartty túrde sottaý) boiynsha 5 jyl 6 ai merzimge bas bostandyǵynan aiyrý túrindegi jaza taǵaiyndaýmen kináli dep tanyldy, keltirilgen zalal memleket kirisine tolyq kólemde óteldi", - delingen prokýratýra habarynda.
