kórneki sýret
Jetisý oblysynda 19 adam qar qursaýynan qutqaryldy, - dep habarlaidy Tengrinews.kz agenttigi oblystyń TJD baspasóz qyzmetine silteme jasap.
Vedomstvo málimetinshe, 22 qarashada saǵat 20:10-da Tótenshe jaǵdailar departamentine respýblikalyq mańyzy bar Saryózek-Kóktal tasjolynyń 40-shaqyrymynda qar qursaýynda adamdar mingen kólikter qalyp qoiǵany týraly qońyraý túsken. Saryózek kentinen Tótenshe jaǵdailar bóliminiń kezekshi brigadasy qar-batpaq kóligimen dereý attanǵan. Oqiǵa ornyna jetkende qalyń qar jaýyp, qatty boran soqqany anyqtaldy.
"Jedel-qutqarý jumystarynyń nátijesinde TJD qyzmetkerleri Altyn-Emel asýynda qar qursaýynan 19 adamdy shyǵardy. Qurbandar men zardap shekkender joq", - delingen habarlamada.
Aýa raiynyń nasharlaýyna bailanysty oblystyń Tótenshe jaǵdailar departamenti azamattardy uzaq saparǵa shyqpaýdy, qaýipsizdik erejelerin qatań saqtaýdy jáne 112 qyzmetiniń SMS habarlamalaryn nazardan tys qaldyrmaýdy suraidy.
