Túrkistan oblysy Jetisai aýdanynda ustazdar bes kúndik demalysta 5 myń dana betperde tikken. Bul maskalar aýdannyń jumyspen qamtý jáne áleýmettik baǵdarlamalar bólimine tapsyrylǵan, dep habarlaidy "Ult aqparat".
Aýdandyq jumyspen qamtý jáne áleýmettik baǵdarlamalar bóliminiń basshysy Ádilhan Ábjanovtyń aitýynsha, bul maskalar halyqtyń osal toptaǵy azamattaryna tegin taratylǵan.
«Atap aitar bolsaq, 141 otbasyna (712 adam), 182 jalǵyzbasty qart adamǵa, kámelet jasqa tolmaǵan múmkindigi shekteýli 267 balaǵa, odan keiin 18 jastan asqan 111 psihonevrologiialyq aýytqýy bar azamattarǵa, ońaltý ortalyǵyndaǵy 81 balaǵa betperdeler berildi. Qalǵan betperdeler qajetine qarai qosymsha muqtaj azamattarǵa tiisti bólim tarapynan beriletin bolady. Óz tarapymyzdan qiyn-qystaý kúnde qol qýsyryp otyrmai, demeý kórsete bilgeni úshin aýdan ustazdaryna shynaiy rizashylyǵymyzdy bildiremiz»,- deidi Ádilhan Ábjanov.
