Túrkistan oblysynyń Jetisai aýdanynda óńirlik ónim 133,8 mlrd teńgege jetti. Bul týraly búgin Óńirlik kommýnikatsiialar qyzmetinde Jetisai aýdanynyń ákimi Murat Qadyrbek 10 aida atqarylǵan jumystardyń qorytyndysy týraly ótken brifingte aitty.
«Biylǵy jyldyń 10 aiynda Jetisai aýdanynda óńirlik ónim kólemi 133,8 mlrd teńgeni, ónerkásip óniminiń kólemi 9,8 mlrd teńgeni, óńdeý ónerkásibindegi ónim kólemi 7,7 mlrd teńgeni qurady. Al, negizgi kapitalǵa baǵyttalǵan investitsiia 11,7 mlrd teńgeni qurasa, bólshek saýda 16,8 mlrd teńgege jetti. Budan bólek, aýdandaǵy shaǵyn jáne orta kásipkerlik sýbektileriniń sany 18 534 birlikke jetip, ótken jyldyń tiisti merzimimen salystyrǵanda 3039 sýbektige artty. Kásipkerlik nysandarda 21 386 azamat jumyspen qamtylyp, salada 49,6 mlrd tengeniń ónimi óndirildi», - dedi Murat Bolatuly.
Spikerdiń sózinshe, «Yrys» MQU arqyly jyl basynan beri 132 kásipkerge 431,2 mln teńge nesie berilgen. Onyń jalpy sýmmasy 105,5 mln teńgeni quraityn 11 jobasy mal sharýashylyǵy men shaǵyn kásipkerlik salasyn damytý boiynsha bolsa, 325,7 mln teńgeni quraityn 121 joba kóktemgi egin egý jáne jinaý jumystaryna arnalǵan.
Sondai-aq, ekinshi deńgeili bankter arqyly «Biznestiń jol kartasy 2025» jáne «Qarapaiym zattar ekonomikasy» memlekettik baǵdarlamalary aiasynda 1,4 mlrd teńgege qoǵamdyq tamaqtaný oryndaryn, balabaqsha, qonaq úi, biznes nysandaryn damytýǵa, odan bólek jihaz óndirisi, et óndirisi, polietilen men jemisti qaita óńdeý syndy jobalar qarjylandyrylǵan.
Sonymen qatar, «Eńbek» memlekettik baǵdarlamasy aiasynda 7306 azamat turaqty jáne ýaqytsha jumystarmen qamtylsa, 344 azamat áleýmettik jumys oryndaryna, 81 azamat alǵashqy jumys oryndaryna, 887 jas jastar praktikasyna, 2273 tulǵa aqyly qoǵamdyq jumystarǵa, 25 adam «Urpaqtar kelisim sharty» jáne «Kúmis jas» jobalary aiasynda jumysqa joldanǵan.
