Sońǵy málimetter boiynsha Túrkistan oblysynda koronavirýs infektsiiasyn juqtyrǵan azamattar sany – 44-ke jetti, - dep habarlaidy jergilikti ákimdik.
Ákimdiktiń habarlaýynsha, Jetisai aýdany, Yntymaq aýyldyq okrýginiń 1977 jyly týǵan turǵynnan koronavirýs tabyldy. Ol 4 sáýir kúni qaitys bolǵan 1956 j. Jetisai aýdanynyń azamatymen jaqyn bailanysta bolǵan.
Qazirgi tańda oblys boiynsha Jetisai aýdanynda – 15 adam tirkelgen, onyń ishinde 1956 j azamat 4 sáýir kúni qaitys bolǵan. Sondai-aq, Kentaýda - 5, Ordabasy - 2, Sairam - 2, Maqtaral - 4, Arys - 14, Saryaǵash - 1, Báidibek -1 turǵyny indetke shaldyqqan.
Barlyq naýqastardyń jaǵdaiy qanaǵattanarlyq, shaǵymy joq. Virýs juqtyrǵandar qazirgi ýaqytta oqshaýlanyp, tiisti em qabyldaýda.
Atalǵan azamattarmen bailanysta bolǵandardy anyqtap, oqshaýlaý jumystary júrgizilýde.
