سوڭعى مەلٸمەتتەر بويىنشا تٷركٸستان وبلىسىندا كوروناۆيرۋس ينفەكتسيياسىن جۇقتىرعان ازاماتتار سانى – 44-كە جەتتٸ, - دەپ حابارلايدى جەرگٸلٸكتٸ ەكٸمدٸك.
ەكٸمدٸكتٸڭ حابارلاۋىنشا, جەتٸساي اۋدانى, ىنتىماق اۋىلدىق وكرۋگٸنٸڭ 1977 جىلى تۋعان تۇرعىننان كوروناۆيرۋس تابىلدى. ول 4 سەۋٸر كٷنٸ قايتىس بولعان 1956 ج. جەتٸساي اۋدانىنىڭ ازاماتىمەن جاقىن بايلانىستا بولعان.
قازٸرگٸ تاڭدا وبلىس بويىنشا جەتٸساي اۋدانىندا – 15 ادام تٸركەلگەن, ونىڭ ٸشٸندە 1956 ج ازامات 4 سەۋٸر كٷنٸ قايتىس بولعان. سونداي-اق, كەنتاۋدا - 5, ورداباسى - 2, سايرام - 2, ماقتارال - 4, ارىس - 14, سارىاعاش - 1, بەيدٸبەك -1 تۇرعىنى ٸندەتكە شالدىققان.
بارلىق ناۋقاستاردىڭ جاعدايى قاناعاتتانارلىق, شاعىمى جوق. ۆيرۋس جۇقتىرعاندار قازٸرگٸ ۋاقىتتا وقشاۋلانىپ, تيٸستٸ ەم قابىلداۋدا.
اتالعان ازاماتتارمەن بايلانىستا بولعانداردى انىقتاپ, وقشاۋلاۋ جۇمىستارى جٷرگٸزٸلۋدە.
