Jetisai aýdanynda taza energiia úlesin ulǵaitý úshin qýaty 4,8 MVt bolatyn «Jetisai KES» kún elektr stantsiiasy paidalanýǵa berildi. Bul týraly "Ult aqparat" QR Energetika ministrliginiń baspasóz qyzmetine silteme jasap habarlaidy.
«Elektr stantsiiasyn salý kezinde belgilengen buryshy bar tańerteń-keshke bir osti treker júiesin qoldana otyryp, jeke qýaty 375 Vt bifýnktsionaldy eki jaqty panelder paidalanyldy. Treker júiesin paidalaný elektr stantsiiasynyń óndirisin 30 paiyzǵa deiin arttyrýǵa múmkindik beredi. Qurylys aýdany 10,7 gaburynǵy qoqys poligonynyń aýmaǵynda júzege asyryldy. Qurylystyń belsendi kezeńiniń bastalýy – 2019 jyldyń tamyz aiy», - dep habarlaidy ministrlikten.
Qurylys-montajdaý jumystaryna 42 adam jumyldyrylǵan. Qazirgi ýaqytta stantsiiaǵa 14 adamnan turatyn personal qyzmet kórsetedi.
Joba «jasyl» ekonomika saiasatyna sáikes keledi. Qazaqstannyń indýstriialyq-innovatsiialyq damýyna yqpal etedi. Atmosferaǵa SO2 shyǵaryndylaryn azaitý jylyna 6048 t quraityn bolady. Jobany iske asyrý barysynda qosymsha jumys oryndary quryldy. Sonymen qatar, elektr energiiasy kóziniń taýsylmaitynyn jáne qol jetimdiligin atap ótken jón. Bul jobanyń ótelý merzimi 7 jyldy quraidy.
«Jelige josparly jyl saiynǵy elektr energiiasyn berý – 7 219 000 kVt. Elektr energiiasy 81 kún modýlinen 158 jyljymaly «ústelge» bólingen 12 798 kún panelimen generatsiialanady. Turaqty tokty ainymaly tokqa túrlendirý úshin elektr stantsiiasynda bloktyq-modýldik qondyrǵyǵa biriktirilgen, árqaisysynyń jeke qýaty 1 250 KVt 4 invertor qarastyrylǵan», - delingen habarlamada.
