Turǵyndar óli qasqyrdy jol jieginen taýyp alǵan, dep habarlaidy QazAqparat.
Áleýmettik jelide Jetisai qalasynyń mańyndaǵy jolda qasqyrdyń óli denesiniń jatqany týraly video tarady.
Kýágerlerdiń aitýynsha túz taǵysyn kólik qaǵyp ketken bolýy múmkin.
Videoǵa túsirýshiler qasqyrdyń qasyna baryp, taiaqpen aýzyn ashyp kóredi. Kózin túrtkileidi.
Sondai-aq, qyzyq úshin kóligimen toqtap, sýretke túsirip jatqandarda bar.
Al, Jetisai aýdany ákimdiginiń baspasóz qyzmeti aýdan boiynsha eshqandai tórt túlikke jyrtqysh ań shapqany nemese basqa da oqys oqiǵalar tirkelmegendigin aitty.
