Túrkistan qalasynyń turǵyny Jetisai aýdanyna issaparmen baryp kelgen soń, koronavirýs juqtyrǵany anyqtalǵan. Bul týraly oblys ákimdiginiń baspasóz qyzmeti málimet taratty, dep habarlaidy "Ult aqparat".
Ákimdiktiń dereginshe, 30 jastaǵy azamat 10 sáýir kúni Jetisai aýdanyna jumys babymen barǵan.
«11 sáýir kúni tańerteń ol Túrkistanǵa qaita oralǵan. Janynda tek júrgizýshi bolǵan. Qalaǵa kireberiste ekeýiniń de densaýlyq kórsetkishteri normaǵa sai bolyp, tirkeýge alynǵan. Artynsha dene qyzýy kóterilip, dárigerler kómegine júgingen. Naýqastan erterekte alynǵan analiz búginde koronavirýs indetin juqtyrǵanyn rastady. Ol Kentaý qalalyq aýrýhanasynda oqshaýlanyp, tiisti em alýda. Densaýlyq kórsetkishteri birqalypty. Birge turatyn eki turǵyn men júrgizýshiden analiz alynyp, olar da oqshaýlandy. Bul kisilermen bailanysta bolǵan basqa da azamattar anyqtalyp, tekserý jumystary atqarylýda. Turǵyn úi aýmaǵy jáne bailanysta bolǵan adamdar bolǵan jerlerde kúsheitilgen zalalsyzdandyrý jumystary atqarylyp, oqshaýlandy», delingen habarlamada.
Sońǵy málimetter boiynsha aimaqta qaýipti infektsiiany juqtyrǵan azamattar sany 56-ǵa jetti. Barlyq naýqastardyń jaǵdaiy qanaǵattanarlyq, shaǵym joq. Atalǵan azamattarmen bailanysta bolǵandardy anyqtap, oqshaýlaý jumystary júrgizilýde.
