Úp etken jelge bola qara aspandy tóńkerip, mólt etken sýǵa muhitty qotaryp, bir aýyz sózben aýyldy órteitin ápendiler qanshama. Solardyń ishinde ózgesheleý shirenip moiyn jipke qylqynyp, yǵailardyń qataryn da kóringisi keletin bir kisi bar.
Janyna adam balasy jolamaq túgil, alystan kele jatqanyn kórseń asqazanyń kóteriledi. Tirshilik úshin keide sondailarǵa táýeldi bolatyn sátter de kezdesip jatady. Olai etpeýge lajyń joq. Týra sol álsiz jerińnen ustaýdy ol sennen jaqsy bilip alǵan. Basynan sóz asyrmaityny da sondyqtan. Moiynyńa ajyrǵy salyp, erttep jelkeńe minip alyp tepeńdeitinin qaitesiń. Keide, asqynǵannyń ústine asqynyp, qazaqqa til, ar men iba týraly túsindirgisi kelip eki urty búlkildei qalatyny taǵy bar.
Ateizmniń jyltpasyna jumyryn ábden mailaǵan kórkeýde toǵyshar baiqus, qyzdy-qyzdymen Qudaidan qorqýdy umytyp, keide jaratýshyny syqaqqa kúlkige ainaldyrǵysy keledi. Mine, jurt senip senim artyp otyrǵan naisaptyń kúii osyndai.
Aqyl-esi durystaý degenderdiń ózi, osy qorashty qoltyǵynan demep, qolpashtap álek, kótermelep báiek bolady. Qystyq soǵymy men aýjalyn qarasytylǵyndaǵy toǵysharlar toby daiarlaidy. Jem-shóbin desem artyq bolar...
Negizi olardyń oilap júrgeni, bul «Tulǵanyń» qarastylyǵyn da júrgenin asqan baqyt sezinýdiń jemisi. Olardyń da qaisybiri ońyp turǵany shamaly. Ósek aityp jurtty shaǵystyrýdan qara úzedi. Aldyna jan salmaidy.
Jegi qurttyń oilap tappaityn bálesi joq. Jumys demalysyn da qaradai ishi qyzyp, qyzylkózdik qasieti oianyp tynyshta uiyqtai almaidy. Nege deisiz be, jumys bastala salysymen basqalardy jamandap, qarastylyǵyndaǵy adamdardy júndei tútip, jer-jebirine jetip boqtaidy. Sodan lázzat alatyn sekildi me, ol jaǵyn túsingen jan balasy ázirge joq.
Orynsyz ákireńdep, qarǵap-silep qazbalap áke-shesheden túsip balaǵattaýdyń qas sheberi. Diplom jumysyn «Anaiy sózderdiń aǵzaǵa áseri»,- degen taqyrypta eki myń dollar tóleý arqyly qorǵap shyqqanyn aitar bolsaq, siz, bizdi jek kórýińiz bek múmkin. Alaida shyndyq osy. Ne deseńiz de erkińiz bilsin! Shýyldaǵan qyz-qyrqyndy jinap alyp, daýryǵyp aiǵai salyp, shampan atyp sharap iship shalqyǵan da baryp, onyń naǵyz kespirin kórýge bolady. Oǵan deiin ony tanýǵa tyrysýdyń qajeti joq.
Adamdy jamandap baqyt tappasymyz anyq. Alaida kóre tura jaq ashpai qalýǵa bolmady. Sońǵylarǵa eskertýimiz bolsyn degen oimen qozǵap otyrmyz. Jurttar aǵash atqa mingizgen de, taqymy aýyrmasyn dep kópshik salyp báiek boldyq. Teksiz báribir teksizdigin dáleldedi. Osy joly ol oiymyzdan ainyp qaldyq.
Ótirik kópirme sózdi sýdyratyp, tilimen ózinen joǵarǵylardyń kebisin tazalaityn bolsa halyqaralyq dárejedegi sport sheberi, bireýdiń syrtynan domalaq aryz jazyp, bále shyǵarýǵa kelse álem shempiony bola alady. Búkil ǵumyryn «Ózimnen basqa eshbir janǵa jaqsylyq jasamaý kerekpin»,-qaǵidasyn berik ustanǵany sonsha, keskin –kelbetinen kim ekeni menmundalap turady.
Záýdeǵalam bireý jetistikke jetip, qýanyshqa kenelse, bul sabazyń ine jutqan ittei qylǵynyp dóńbekshidi-ai kelip. Onyń tek ózine ǵana tán it minezimen toǵysharlyq qasieti osyndai. Osynaý jersharyn tek bir ózi iemedenip, bir ózi ǵana ómir súretindei sezinýi ókinshti. Báribir syrtynan shýyldaimyz ǵoi, qulaǵy tynysh qalsyn ba... Jegi qurt túbi ózin jep tynatyny aqiqat.
K.BOǴYDABAEV,
.jpg)