QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Alik Shpekbaev Ulttyq biýronyń aýmaqtyq basshylaryn ózara almastyrdy, dep xabarlaidy QazAqparat tilshisi.
Agenttiktiń resmi ókili Nurlan Jaxinniń aitýynsha, adam bir laýazymda uzaq ýaqyt jumys atqarsa, eńbek ónimdiligi tómendeidi, qyzmetkerdiń oi-órisi bir ýchaskeniń sheńberimen shektelip qalady. Sondai-aq, ondai qyzmetker óz jumysyn jańa ádistermen tolyqtyra almaidy. Al, eń bastysy, rotatsiianyń arqasynda jershildikke jol berilmeidi. Osyǵan bailanysty agenttik tóraǵasy 8 aýmaqtyq departamenttiń basshysyn rotatsiialaý týraly sheshim qabyldady.
«Rotatsiia laýazymdarynda 2 jyldan 4 jylǵa deiingi aralyqta jumys atqarǵan Almaty qalasy, Atyraý, Shyǵys Qazaqstan, Jambyl, Qostanai, Qyzylorda, Pavlodar jáne Soltústik Qazaqstan oblystary boiynsha departament basshylaryna qoldanyldy» , - dedi N.Jaxin Astanada ótken baspasóz máslixatynda.
Atap aitqanda, Ulttyq biýronyń Atyraý oblysy boiynsha departamentiniń basshysy bolyp Soltústik Qazaqstan oblysy boiynsha departamentiniń burynǵy basshysy Nyǵmedjan Saparov taǵaiyndaldy;
- Ulttyq biýronyń Jambyl oblysy boiynsha departamentiniń basshysy bolyp Qyzylorda oblysy boiynsha departamentiniń burynǵy basshysy Ádilhan Áshirbaev taǵaiyndaldy;
- Ulttyq biýronyń Qaraǵandy oblysy boiynsha departamentiniń basshysy bolyp Pavlodar oblysy boiynsha departamenttiń burynǵy basshysy Denis Shakenov taǵaiyndaldy;
- Ulttyq biýronyń Qostanai oblysy boiynsha departamentiniń basshysy bolyp Shyǵys Qazaqstan oblysy boiynsha departamenttiń burynǵy basshysy Sergei Potanin taǵaiyndaldy;
- Ulttyq biýronyń Mańǵystaý oblysy boiynsha departamentiniń basshysy bolyp Qostanai oblysy boiynsha departamenttiń burynǵy basshysy Eldos Saǵiev taǵaiyndaldy;
- Ulttyq biýronyń Pavlodar oblysy boiynsha departamentiniń basshysy bolyp Almaty qalasy boiynsha departamenttiń burynǵy basshysy Erjan Ibraimov taǵaiyndaldy;
- Ulttyq biýronyń Soltústik Qazaqstan oblysy boiynsha departamentiniń basshysy bolyp Atyraý oblysy boiynsha departamenttiń burynǵy basshysy Qurmash Seiitbekov taǵaiyndaldy;
- Ulttyq biýronyń Shymkent qalasy boiynsha departamentiniń basshysy bolyp Jambyl oblysy boiynsha departamenttiń burynǵy basshysy Murat Qarymsaqov taǵaiyndaldy.
Sondai-aq Ulttyq biýronyń Túrkistan oblysy boiynsha departamentiniń basshysy bolyp Ońtústik Qazaqstan oblysy boiynsha departamenttiń burynǵy basshysy Nurlan Qambatyrov taǵaiyndaldy.
