Jer reformasy jónindegi komissiianyń kezekti otyrysynda qoǵam qairatkeri Muhtar Taijan jerdi 49 jylǵa deiin jalǵa berý týraly pikir bildirdi, dep habarlaidy QazAqparat.
«Biz jerdi 49 jylǵa deiin jalǵa beremiz dep sheshtik. Osy merzimde muragerlikke de jol ashyp otyrmyz. Biraq bul jerde 49 jyldan keiin fermerlerge nemese zańdy tulǵalarǵa konkýrssyz jaldaýdy uzartýǵa bolady dep jazylǵan. Biz oǵan daýys bergen joqpyz. Kerisinshe, muny jumys tobynyń otyrysynda da aittym, eger osy 49 jylǵa kelisetin bolsaq, sol 49 jylmen toqtaýymyz kerek. Ári qarai tek qana konkýrs arqyly jaldaýdy uzartýǵa bolady. Óitkeni jaldaýdyń osyndai shekteýi bolmasa, onyń jeke menshikten esh aiyrmashylyǵy bolmaidy. Sol úshin Jer kodeksiniń 37-babyna ózgertý engizýimiz kerek. Jaldaýdy 49 jylǵa deiin ǵana uzartýǵa bolady, ári qarai konkýrs arqyly bolýy kerek», - dedi Taijan sharýashylyǵy ministrliginde ótken Jer reformasy jónindegi komissiia otyrysynda.
Aita keteiik, Jer reformasy jónindegi komissiia otyrysynda aýyl sharýashylyǵy jerlerin muraǵa berý men 49 jylǵa deiin jaldaý merzimin saqtaý talqylanyp jatyr.
