جەر رەفورماسى جٶنٸندەگٸ كوميسسييانىڭ كەزەكتٸ وتىرىسىندا قوعام قايراتكەرٸ مۇحتار تايجان جەردٸ 49 جىلعا دەيٸن جالعا بەرۋ تۋرالى پٸكٸر بٸلدٸردٸ, دەپ حابارلايدى قازاقپارات.
«بٸز جەردٸ 49 جىلعا دەيٸن جالعا بەرەمٸز دەپ شەشتٸك. وسى مەرزٸمدە مۇراگەرلٸككە دە جول اشىپ وتىرمىز. بٸراق بۇل جەردە 49 جىلدان كەيٸن فەرمەرلەرگە نەمەسە زاڭدى تۇلعالارعا كونكۋرسسىز جالداۋدى ۇزارتۋعا بولادى دەپ جازىلعان. بٸز وعان داۋىس بەرگەن جوقپىز. كەرٸسٸنشە, مۇنى جۇمىس توبىنىڭ وتىرىسىندا دا ايتتىم, ەگەر وسى 49 جىلعا كەلٸسەتٸن بولساق, سول 49 جىلمەن توقتاۋىمىز كەرەك. ەرٸ قاراي تەك قانا كونكۋرس ارقىلى جالداۋدى ۇزارتۋعا بولادى. ٶيتكەنٸ جالداۋدىڭ وسىنداي شەكتەۋٸ بولماسا, ونىڭ جەكە مەنشٸكتەن ەش ايىرماشىلىعى بولمايدى. سول ٷشٸن جەر كودەكسٸنٸڭ 37-بابىنا ٶزگەرتۋ ەنگٸزۋٸمٸز كەرەك. جالداۋدى 49 جىلعا دەيٸن عانا ۇزارتۋعا بولادى, ەرٸ قاراي كونكۋرس ارقىلى بولۋى كەرەك», - دەدٸ تايجان شارۋاشىلىعى مينيسترلٸگٸندە ٶتكەن جەر رەفورماسى جٶنٸندەگٸ كوميسسييا وتىرىسىندا.
ايتا كەتەيٸك, جەر رەفورماسى جٶنٸندەگٸ كوميسسييا وتىرىسىندا اۋىل شارۋاشىلىعى جەرلەرٸن مۇراعا بەرۋ مەن 49 جىلعا دەيٸن جالداۋ مەرزٸمٸن ساقتاۋ تالقىلانىپ جاتىر.
