Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrý engizý týraly» zań jobasy ekinshi oqylymda maquldandy, dep habarlaidy "Ult aqparat".
Zań jobasy Qazaqstan Prezidenti Qasym-Jomart Toqaevtyń zań shyǵarý bastamasy tártibimen daiyndaldy.
«Zań jobasy 5 zańnamalyq aktige ózgerister men tolyqtyrýlar engizýdi qarastyrady jáne sheteldik jer paidalanýshylardyń, Qazaqstan Respýblikasynyń sheteldik qatysýy bar zańdy tulǵalarynyń, sondai-aq aýyl sharýashylyǵy maqsatyndaǵy jer ýchaskelerin jeke menshik quqyǵymen jáne jer paidalaný quqyǵymen qandastardyń ielenýine tyiym salýdy engizýge qatysty. Zań jobasyn Palata aǵymdaǵy jyldyń 7 sáýirinde birinshi oqylymda maquldady. Zań jobasyn qaraý barysynda depýtattar zań jobasyn engizý maqsattaryn kúsheitýge baǵyttalǵan túzetýler engizdi», - dedi depýtat Berik Ospanov.
Budan basqa, Qazaqstan Respýblikasynyń qoldanystaǵy zańnamasyna sáikes keltirýge baǵyttalǵan redaktsiialyq-naqtylaý sipatyndaǵy túzetýler kózdelgen, sondai-aq zań jobasynyń erejeleri bir-birimen úilesken.
«Májilistiń barlyq komitetteri osy zań jobasy boiynsha oń qorytyndylar usyndy. Múddeli ýákiletti organdar, saiasi partiialar, Qoǵamdyq uiymdar, aýyl sharýashylyǵy taýar óndirýshileri ókilderiniń qatysýymen jumys tobynyń 3 otyrysy jáne komitettiń 2 keńeitilgen otyrysy ótkizildi. Baiandalǵandy eskere otyryp, Agrarlyq máseleler komiteti atalǵan zań jobasyn tutastai ekinshi oqylymda maquldap, ony Parlament Senatynyń qaraýyna jiberýdi usynady», - dedi Ospanov.
Talqylaý barysynda palata depýtattary atalǵan usynysqa qoldaý bildirip, zań jobasyn ekinshi oqylymda maquldady.
Budan buryn habarlanǵandai, biyl 7 sáýirde Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrý engizý týraly» zań jobasy birinshi oqylymda maquldandy.
Eske sala keteiik, biyl naýryz aiynda Prezident Qasym-Jomart Toqaev jerdi sheteldikterge satýǵa birjola tyiym salýdy kózdeitin zań jobasyn Májiliske joldaǵanyn aitqan edi.
