Jer ýchaskesiniń kadastrlyq qunyn anyqtaý, jai-kúii týraly málimet alý jáne jobalanatyn jer ýchaskesiniń josparyn kelisýdi eGov.kz portalynda úiden shyqpai-aq alýǵa bolady, dep habarlaidy "Ult aqparat" «Ulttyq aqparattyq tehnologiialar» AQ baspasóz qyzmetine silteme jasap.
Atalmysh qyzmetterdi alý úshin paidalanýshy portalǵa kirip, «Jyljymaityn múlik» salymynda úsh qyzmettiń birin tańdaý qajet. Sodan soń portalda kórsetilgen qadamdyq protseske sáikes ótinimdi avtorlandyrýý jáne toltyrý qajet.
Aita ketý kerek, kadastrlyq (baǵalaý) qunyn anyqtaý jáne sapalyq jaǵdaiy týraly málimetterdi ýchaskeńizge nemese Memlekettik jer kadastrynyń avtomattandyrylǵan aqparattyq júiesi portalyndaǵy elektrondyq josparda kórsetilgen aýmaqqa da alýǵa bolady.
«Biz negizgi málimetterdi barynsha qamtýǵa jáne ótinim berý protsesin jeńildetýge tyrystyq. Paidalanýshy tek tizimnen bir tarmaqty tańdap, tólem jasap, qajetti qujattardy salyp, ETsQ-men qol qoiý qajet» - dep túsindirdi «Ulttyq aqparattyq tehnologiialar» AQ basqarma tóraǵasy Áset Turysov.
Kórsetiletin qyzmetti alý barysynda ótinish berýshiniń qoldanystaǵy quqyqtary tirkelgen jer kadastrynyń aqparattyq júiesi portalynda elektrondy josparda kórsetilgen barlyq jer ýchaskesi men aýmaq týraly aqparat avtomatty túrde tartylady. Tizimnen ýchaskeniń birin tańdaý qajet.
Suraý salý portalǵa tikelei túsedi. Suraýǵa berilgen jaýappen paidalanýshynyń jeke kabinetinde tanysýǵa bolady. Nysanaly maqsatyna, ýchaskeniń aýdanyna jáne jumys kólemine bailanysty tólem somasy anyqtalady, ony elektrondyq úkimettiń tólem shliýzi arqyly júrgizýge bolady.
Jańa qyzmetter: Jer ýchaskesiniń kadastrlyq qunyn anyqtaý. Jer ýchaskesiniń sapalyq jaǵdaiy týraly málimetterdi usyný, Memlekettik jer kadastrynyń avtomattandyrylǵan aqparattyq júiesiniń grafikalyq derekteri boiynsha jobalanatyn jer ýchaskesin kelisý.
