Erteń, 26 mamyr kúni Nur-Sultan ýaqytymen saǵat 15:45 pen 18:53 aralyǵynda Ai tolyqtai tutylady, dep habarlaidy "Ult aqparat".
Jer ǵalamshary Kún men Aidyń ortasyna kelgende Ai tutylady, iaǵni Jerdiń kóleńkesi seriginiń betine túsedi. Basqasha aitqanda, aspan deneleri bir qatarǵa turady. Jer kóleńkesine tolyq kirgennen keiin Aidyń júzi qyzǵylt reńkke enedi. Sol sebepti bul qubylysty keide «qandy Ai» dep te aitady. Ai Jerdiń kóleńke aimaǵyna engende, Ai tutylýy bastalady. Ókinishke orai, qazaqstandyqtar tabiǵattyń osynaý biregei sátin tamashalai almaidy. Ony Shyǵys Aziia, Aýstraliia, Tynyq muhity jáne Amerika turǵyndary kóredi.
Aita keterligi 10 maýsymda Kún saqinaly túrde tutylady. Ol Soltústik Kanada, Grenlandiia jáne Reseide jaqsy baiqalady. Saqinalyq jáne jartylai fazalardy TMD elderiniń aýmaǵynan kórýge bolady.
Al 19 qarashada Aidyń ishinara tutylady. Onyń ártúrli fazalaryn Ońtústik Amerika, Indoneziia, Aýstraliia, Aziia jáne Qiyr Shyǵystyń turǵyndary kóredi. Tolyq tutylýdy Soltústik Amerika, Chýkotka jáne Kamchatkada baiqaýǵa múmkindik bar.
Sondai-aq 4 jeltoqsanda Kún tolyq tutylýy múmkin. Onyń beldeýi Tynyq jáne Atlant muhittary arqyly, sondai-aq Antarktida arqyly ótedi. Tutylýdyń kishigirim fazalaryn Afrikanyń ońtústiginen jáne Aýstraliiadan kórýge bolady.
