Premer-Ministr Álihan Smaiylov Ekonomikany demonopolizatsiialaý jónindegi komissiianyń kezekti otyrysyn ótkizdi, - dep habarlaidy "Ult aqparat" Úkimettiń resmi saityna silteme jasap.
Otyrys barysynda qazirgi tańda áleýmettik-kásipkerlik korporatsiialardyń investitsiialyq jáne innovatsiialyq jobalardy júzege asyrý úshin konkýrstan tys negizde jer telimderin bóletinin atap ótti. Bul rette ÁKK-ke olardy igerýde eshqandai jaýapkershilik júktelmeidi. Alaida bólingen jer telimderi is júzinde kóp páterli turǵyn úiler, meiramhanalar, kólik jýý oryndaryn jáne t.b. salý úshin paidalanylyp jatyr.
Mysal retinde elimizdiń iri qalalarynyń birinde ÁKK-ge 679 ga jer bólingeni aityldy, onyń 254 ga turǵyn úi qurylysyna, 96 ga kommertsiialyq obektilerge jáne tek 5 ga óndiristik baza men zaýyt salýǵa berilgen.
Atalǵan máseleni sheshý úshin ÁKK arqyly jer telimderin konkýrstan tys berý múmkindigin alyp tastaý usynyldy, bul jerdi bólýdiń ashyqtyǵyn qamtamasyz etýge jáne ony satýdan biýdjetke túsetin túsimderdiń kólemin ulǵaitýǵa, naryqtyń barlyq sýbektisine jerge qoljetimdilikti qamtamasyz etý úshin teń múmkindikter berýge jol ashady.
Sondai-aq otyrysta magistraldyq temirjol jelilerin jóndeý salasynda birneshe kompaniia ǵana qyzmet kórsetetini atap ótildi. Bul olarǵa qoiylatyn joǵary biliktilik talaptaryna bailanysty bolyp otyr.
Osyǵan bailanysty QR Premer-Ministri «Samuryq-Qazyna» qoryna osy salada básekelestikke qolaily jaǵdai jasaý úshin atalǵan talaptardy jumsartýdy qarastyrý tapsyrdy.
