Búgin túste Android operatsiialyq júiesi bar mobildi qurylǵyny paidalanatyn Almaty turǵyndaryna «Prezident habarlamasy» keldi, dep habarlaidy "Ult aqparat".
Saǵat 12:00–de Android operatsiialyq júiesi bar mobildi qurylǵylardy paidalanýshylar qazaq, orys jáne aǵylshyn tilinde habarlama aldy.
Onda «Alańdamańyzdar. Halyqty habardar etý júiesine tekserý júrgizilip jatyr», «Ne bespokoites. Provoditsia proverka sistemy opovesheniia naseleniia», «Remain calm. The public alert system is being tested» dep jazylǵan.
Buǵan deiin 31 mamyrda Almatyda Mass Alert tótenshe jaǵdaidy jedel qulaqtandyrý júiesi iske qosylatyny habarlanǵan.
Almaty ákimdigi atap ótkendei, Mass Alert júiesiniń SMS-ke qaraǵanda birqatar artyqshylyǵy bar.
Habarlama mobildi operator jelisine qosylǵan, sondai-aq jeke tańdalǵan geografiialyq aimaqtaǵy barlyq abonentke keledi.
Sonymen qatar, júie jelilerdiń shamadan tys júktelý jaǵdaiynda jumys isteidi.
Cell Broadcast tehnologiiasynyń basty artyqshylyǵy — qamtý aimaǵyndaǵy barlyq abonentti birden ári jappai eskertedi.
