.jpg)
Kollaj: Ult.kz
Almaty turǵyndarynyń uialy telefondaryna jer silkinisi jóninde eskertý habarlamasy kelgen soń, kóbi dalaǵa shyqqan, dep habarlaidy Ult.kz.
Jaǵdaiǵa qatysty túsinikteme Almaty qalalyq Tótenshe jaǵdailar departamentiniń baspasóz qyzmetinde berildi.
«Seismodatchikterdiń derekteri boiynsha, Qyrǵyzstan aýmaǵynda seismiialyq oqiǵa tirkeldi. Ol halyq pen infraqurylym nysandaryna qaýip tóndirmegen. Oqiǵa týraly habarlama avtomatty túrde qalyptastyryldy. Bul júieniń testilik-jaýyngerlik rejimdegi jumysynyń bir bóligi bolyp tabylady jáne qate emes», – dep habarlady vedomstvo ókilderi.
Departamenttiń málimetinshe, qazirgi ýaqytta Ulttyq seismologiialyq baqylaý jáne zertteý ortalyǵynyń datchikteri men jabdyqtaryn MassAlert jappai habarlaý júiesimen biriktirý jumystary jalǵasyp jatyr.
«Mamandar seismikalyq stantsiialar men datchikterdiń jumysyn zerttep, barlyq jaǵdaidy anyqtaýda. Habarlamalar bolashaqta halyqqa barynsha naqty jáne túsinikti jetýi úshin parametrler men algoritmder rettelip jatyr», – delingen resmi túsiniktemede.
Eske salaiyq, búgin Almaty turǵyndarynyń uialy telefondaryna jer silkinisi týraly eskertý habarlamalary túsken bolatyn.
Seismologiialyq stantsiialar jelisi 23 qazan kúni, Astana ýaqytymen saǵat 12:20-da jer asty dúmpýlerin tirkegen. Aldyn ala málimet boiynsha, epitsentr Almatydan 136 shaqyrym ońtústik-batysta, Qyrǵyzstan aýmaǵynda ornalasqan.
