Foto: gov.kz
Almaty qalasynyń tóńireginde iri sý nysany joq. Bul týraly Úkimet otyrysynan keiingi brifingte Sý resýrstary jáne irrigatsiia ministri Nurjan Nurjigitov aitty, - dep habarlaidy Kazinform agenttigi.
«Almaty qalasynyń tóńireginde úlken sý nysandary joq. Sondyqtan aýyz sýmen qamtamasyz etetin barlyq júie búgingi kúni qoldanystaǵy qurylys normalaryna sai ázirlengen jáne salynǵan», - dedi ministr BAQ ókilderiniń saýalyna orai.
Osy oraida BAQ ókilderi ministrden jer silkinisi oryn alǵan jaǵdaida qala mańyndaǵy sý qoimalary qanshalyqty berik ekendigin surady.
«Qala jerasty sý kózderi arqyly aýyz sýmen qamtamasyz etilip otyr. Ózderińiz de kórip otyrsyzdar, keiingi jer silkinisi kezinde Almaty qalasyn sýmen qamtýda eshqandai irkilis bolǵan joq», - dedi Nurjan Nurjigitov.
