فوتو: gov.kz
الماتى قالاسىنىڭ تٶڭٸرەگٸندە ٸرٸ سۋ نىسانى جوق. بۇل تۋرالى ٷكٸمەت وتىرىسىنان كەيٸنگٸ بريفينگتە سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ ايتتى, - دەپ حابارلايدى Kazinform اگەنتتٸگٸ.
«الماتى قالاسىنىڭ تٶڭٸرەگٸندە ٷلكەن سۋ نىساندارى جوق. سوندىقتان اۋىز سۋمەن قامتاماسىز ەتەتٸن بارلىق جٷيە بٷگٸنگٸ كٷنٸ قولدانىستاعى قۇرىلىس نورمالارىنا ساي ەزٸرلەنگەن جەنە سالىنعان», - دەدٸ مينيستر باق ٶكٸلدەرٸنٸڭ ساۋالىنا وراي.
وسى ورايدا باق ٶكٸلدەرٸ مينيستردەن جەر سٸلكٸنٸسٸ ورىن العان جاعدايدا قالا ماڭىنداعى سۋ قويمالارى قانشالىقتى بەرٸك ەكەندٸگٸن سۇرادى.
«قالا جەراستى سۋ كٶزدەرٸ ارقىلى اۋىز سۋمەن قامتاماسىز ەتٸلٸپ وتىر. ٶزدەرٸڭٸز دە كٶرٸپ وتىرسىزدار, كەيٸنگٸ جەر سٸلكٸنٸسٸ كەزٸندە الماتى قالاسىن سۋمەن قامتۋدا ەشقانداي ٸركٸلٸس بولعان جوق», - دەدٸ نۇرجان نۇرجٸگٸتوۆ.
