«Búgin H.Dosmuhamedov atyndaǵy Atyraý memlekettik ýniversitetinde QR Premer-Ministriniń orynbasary — Aýyl sharýashylyǵy ministri Asqar Myrzahmetovtyń tóraǵalyǵymen Jer reformasy boiynsha komissiia músheleri Atyraý oblysy halqymen kezdesýde», — dep habarlaidy Ult.kz tilshisi QazAqparat agenttigine silteme jasap.
Kezdesýge aýyl sharýashylyǵy taýaryn óndirýshiler men kásipkerler, salalyq odaqtar men qaýymdastyqtar, barlyq deńgeidegi qoǵamdyq keńes músheleri, partiialyq jáne kásipodaq uiymdary, ortalyq jáne jergilikti atqarýshy organdar qatysyp, óńir aýdandarynyń turǵyndary selektorlyq rejimde bailanysqa shyǵyp otyr.
Jer reformasy boiynsha komissiianyń negizgi mindetteri — Elbasy airyqsha tapsyrǵandai, buǵan deiin qurylǵan quqyqtyq, ekonomikalyq, aqparattyq-túsindirý jáne ashyqtyqty qamtamasyz etý jónindegi tórt jumys tobynyń tiimdi qyzmeti arqyly qalyń kópshilikpen pikir almasyp, jer zańnamasynyń normalaryna qatysty usynystardy qaraý.
Osyny tilge tiek etken QR Premer-Ministriniń orynbasary — Aýyl sharýashylyǵy ministri A.Myrzahmetov Komissiianyń óńirlerdegi jumysynda belgili bir printsipterdiń qalyptasqanyn, iaǵni, ashyq túrde eshqandai shekteýsiz naqty kóterilip otyrǵan máselege bailanysty pikir aitam degenderge shekteý bolmaitynyn atap ótti.
«Biz bul jerge daýlasý úshin emes, jer men el taǵdyryn aqyldasý úshin jinalyp otyrmyz. Jer máselesin aqylmen, sabyrmen, jan-jaqty talqylaý arqyly qarap, shoǵyrlanǵan túiindi máselelerdi sheshýdiń jaqsy úlgisin kórsetýimiz qajet», — dedi Komissiia tóraǵasy.
Kún tártibinde aldyńǵy qozǵalǵan tarmaqtardyń zańdy jalǵasy retinde úsh másele qaralady:
Birinshiden, aýyl sharýashylyǵy jerlerin qazaqstandyqtarǵa jalǵa berý institýtyn jetildirý. Onyń ishinde, jerdi utymdy paidalanýǵa baqylaýdy kúsheitý, jerdi jalǵa berý rásimderiniń ashyqtyǵyn, tiimdiligin arttyrý, bir qolǵa jalǵa beriletin jerlerdiń shekti (eń joǵary) mólsherin belgileý, Qazaqstan Respýblikasynyń shekaralas aýmaqtarynan beriletin aýyl sharýashylyǵy jerlerin paidalaný tártibin kúsheitý.
Ekinshiden, eldi meken mańaiynan jergilikti turǵyndardy qajetti jaiylymdyq jerlermen qamtamasyz etý júiesin qalyptastyrý
Úshinshiden, moratorii jariialanǵan 2 máselege (qazaqstandyqtarǵa jeke menshikke jáne sheteldikterge jalǵa berý) bailanysty pikir almasý kózdelip otyr.
.jpeg)