Prezident sheteldikterge jer satýǵa tyiym salý týraly normany zańdastyrýdy tapsyrdy. Bul týraly QR Prezidentiniń kómekshisi Erlan Qarin Telegram jelisinde jazdy, dep habarlaidy "Ult aqparat".
«Búgin Ulttyq keńes otyrysynda Prezidenttiń basty bastamalarynyń biri – barlyq qazaqstandyqtardy tolǵandyratyn jer máselesine qatysty boldy. Memleket basshysy bul jóninde birneshe ret pikir bildirgen bolatyn. Onyń naqty jáne printsipti ustanymy bar: «Bizdiń jerimiz sheteldikterge satylmaidy». Osyǵan bailanysty Prezident sheteldikter men sheteldik zańdy tulǵalarǵa aýyl sharýashylyǵy jerlerin satýǵa jáne jalǵa berýge tyiym salýdy zańdastyrýdy tapsyrdy. Osylaisha, Memleket basshysy bul máselege túbegeili núkte qoidy», - dep jazdy Erlan Qarin Telegram jelisinde.
Ol úshin Prezidenttiń zań shyǵarý bastamasy tártibimen Prezident Ákimshiligi tiisti zań jobasyn ázirleidi. Prezident bul qujatty óz ókilettikteri aiasynda ázirleýdi bastama ete otyryp, osy normany zańnamalyq rásimdeý boiynsha óz kózqarasyn kórsetedi.
Atap ótken jón, qoldanystaǵy normalarǵa sáikes zań jobasyna 3 tásilmen bastamashylyq jasalýy múmkin: Úkimettiń zań shyǵarý bastamasy boiynsha, Parlament depýtattarynyń bastamasy boiynsha jáne Prezidenttiń bastamasy boiynsha.
«Árbir jaǵdaida tiisti maquldaý protsedýrasy bar. Prezidenttik bastama aiasynda zań jobasyn ázirleý qysqa merzimde sheteldikterge jerdi satý jáne jalǵa berýge tyiym salýdy zańnamalyq rásimdeýge múmkindik beredi. Osylaisha, jer pikirtalasyndaǵy eń mańyzdy másele jabyq dep senimdi túrde aitýǵa bolady. Aýyl sharýashylyǵy jerlerin paidalaný boiynsha qalǵan máseleler Jer komissiiasy aiasynda jumys tártibimen qaralýy tiis, onyń quramy bir ai ishinde anyqtalyp, naýryz aiynyń sońynda jumys istei bastaidy», - deidi Erlan Qarin.
