پرەزيدەنت شەتەلدٸكتەرگە جەر ساتۋعا تىيىم سالۋ تۋرالى نورمانى زاڭداستىرۋدى تاپسىردى. بۇل تۋرالى قر پرەزيدەنتٸنٸڭ كٶمەكشٸسٸ ەرلان قارين Telegram جەلٸسٸندە جازدى, دەپ حابارلايدى "ۇلت اقپارات".
«بٷگٸن ۇلتتىق كەڭەس وتىرىسىندا پرەزيدەنتتٸڭ باستى باستامالارىنىڭ بٸرٸ – بارلىق قازاقستاندىقتاردى تولعاندىراتىن جەر مەسەلەسٸنە قاتىستى بولدى. مەملەكەت باسشىسى بۇل جٶنٸندە بٸرنەشە رەت پٸكٸر بٸلدٸرگەن بولاتىن. ونىڭ ناقتى جەنە پرينتسيپتٸ ۇستانىمى بار: «بٸزدٸڭ جەرٸمٸز شەتەلدٸكتەرگە ساتىلمايدى». وسىعان بايلانىستى پرەزيدەنت شەتەلدٸكتەر مەن شەتەلدٸك زاڭدى تۇلعالارعا اۋىل شارۋاشىلىعى جەرلەرٸن ساتۋعا جەنە جالعا بەرۋگە تىيىم سالۋدى زاڭداستىرۋدى تاپسىردى. وسىلايشا, مەملەكەت باسشىسى بۇل مەسەلەگە تٷبەگەيلٸ نٷكتە قويدى», - دەپ جازدى ەرلان قارين Telegram جەلٸسٸندە.
ول ٷشٸن پرەزيدەنتتٸڭ زاڭ شىعارۋ باستاماسى تەرتٸبٸمەن پرەزيدەنت ەكٸمشٸلٸگٸ تيٸستٸ زاڭ جوباسىن ەزٸرلەيدٸ. پرەزيدەنت بۇل قۇجاتتى ٶز ٶكٸلەتتٸكتەرٸ اياسىندا ەزٸرلەۋدٸ باستاما ەتە وتىرىپ, وسى نورمانى زاڭنامالىق رەسٸمدەۋ بويىنشا ٶز كٶزقاراسىن كٶرسەتەدٸ.
اتاپ ٶتكەن جٶن, قولدانىستاعى نورمالارعا سەيكەس زاڭ جوباسىنا 3 تەسٸلمەن باستاماشىلىق جاسالۋى مٷمكٸن: ٷكٸمەتتٸڭ زاڭ شىعارۋ باستاماسى بويىنشا, پارلامەنت دەپۋتاتتارىنىڭ باستاماسى بويىنشا جەنە پرەزيدەنتتٸڭ باستاماسى بويىنشا.
«ەربٸر جاعدايدا تيٸستٸ ماقۇلداۋ پروتسەدۋراسى بار. پرەزيدەنتتٸك باستاما اياسىندا زاڭ جوباسىن ەزٸرلەۋ قىسقا مەرزٸمدە شەتەلدٸكتەرگە جەردٸ ساتۋ جەنە جالعا بەرۋگە تىيىم سالۋدى زاڭنامالىق رەسٸمدەۋگە مٷمكٸندٸك بەرەدٸ. وسىلايشا, جەر پٸكٸرتالاسىنداعى ەڭ ماڭىزدى مەسەلە جابىق دەپ سەنٸمدٸ تٷردە ايتۋعا بولادى. اۋىل شارۋاشىلىعى جەرلەرٸن پايدالانۋ بويىنشا قالعان مەسەلەلەر جەر كوميسسيياسى اياسىندا جۇمىس تەرتٸبٸمەن قارالۋى تيٸس, ونىڭ قۇرامى بٸر اي ٸشٸندە انىقتالىپ, ناۋرىز ايىنىڭ سوڭىندا جۇمىس ٸستەي باستايدى», - دەيدٸ ەرلان قارين.
