Jer máseleleri jónindegi arnaýly komissiia qurý jumysy bastaldy. Bul týraly búgin Úkimet otyrysynda Aýyl sharýashylyǵy ministri Saparhan Omarov aitty, dep habarlaidy "Ult aqparat".
Biyl aýyl sharýashylyǵy jerlerin sheteldikterge jalǵa jáne qazaqstandyqtarǵa jekemenshikke berýge 2016 jyly engizilgen moratorii merzimi aiaqtalady. Memleket basshysy jer komissiiasyn qaita quryp, qarashaǵa deiin Jer kodeksine túzetýler qabyldaýdy tapsyrdy. Jer máseleleri jónindegi arnaýly komissiia qurý jumysy bastalyp ketti. Oǵan barlyq múddeli taraptar, QR Parlamenti depýtattary, agrobiznes, fermerler odaǵy men qaýymdastyqtarynyń, «Atameken» UKP, oblys ákimdikteriniń ókilderi jáne basqalary kiredi», - dedi ministr.
Onyń atap ótýinshe, Jer komissiiasy jumysynyń qorytyndysy jáne usynylǵan pikirlerdi talqylaý boiynsha jańa zań jobasynyń negizin quraityn aýyl sharýashylyǵy maqsatyndaǵy jerlerdi ainalymǵa engizý boiynsha biryńǵai tujyrymdamalyq ádistemeler ázirlenetin bolady.
«Atalǵan zań jobasyn ázirleý Úkimettiń 2021 jylǵa arnalǵan josparynda kózdeldi», - dedi Saparhan Omarov.
Eske salaiyq, Qazaqstan Prezidenti Qasym-Jomart Toqaev Jer komissiiasynyń jumysyn qaita jandandyrýdy, biylǵy qarasha aiyna deiin Jer kodeksine túzetý engizýdi tapsyrǵan bolatyn.
