Foto: ashyq derekkóz
Qazaqstanda kómirsýtekter salasyndaǵy kelisimsharttyq mindettemelerdi oryndamaǵan kompaniialarǵa 50 mlrd teńge kóleminde aiyppul men bereshek esepteldi, dep habarlaidy Ult.kz.
Búginde elimizde barlyǵy 327 kelisimshart bar: onyń ishinde 133-i barlaý, 12-si daiyndyq kezeńinde, al 182-si óndirý boiynsha. Ministrliktiń málimetinshe, 2025 jyldyń 1 maýsymynan bastap júrgizilgen keshendi monitoring nátijesinde byltyrǵy jyldyń ózinde ǵana 19 mlrd teńge aiyppul salynǵan.
Jer qoinaýyn paidalanýshylarǵa 160-tan astam habarlama joldandy. Qazirgi tańda shamamen 1 mlrd teńge óteldi, qalǵan somany óndirý jumystary jalǵasýda.
Sonymen qatar, aǵymdaǵy jyldyń alǵashqy 9 aiynda kelisimsharttyq talaptardy saqtamaǵan 11 kelisimsharttyń kúshi joiylǵany belgili boldy.
