Búgin QR Premer-Ministriniń orynbasary Eraly Toǵjanovtyń tóraǵalyǵymen Memleket basshysynyń tapsyrmasymen qurylǵan Jer reformasy jónindegi komissiianyń úshinshi otyrysy ótip jatyr, dep habarlaidy QazAqparat.
Jer reformasy jónindegi komissiianyń úshinshi otyrysynda Aqylbek Kúrishbaev ózi basqaratyn ekonomikalyq máseleler jónindegi jumys tobynyń apta boiy atqarǵan jumysymen tanystyrdy.
«Ekominkalyq máseleler jónindegi jumys tobynyń otyrysynda 3 másele talqylandy. Birinshi másele – jerge ornalastyrý jónindegi geodeziialyq jumystardy litsenziialaý, joǵary oqý oryndarynda osy mamandyqtardy boiynsha oqytý standarttarynna qoiylatyn talaptardy joǵarylatý. Jumys tobynyń músheleri salaǵa litsenziia berý týraly usynysty qoldamady. Bul máseleni keiin arnaiy agenttik nemese komitet qurylǵan kezde memleketimizdiń saiasatyna sáikes básekelestikti damytý negizinde qaralǵany durys dep sheshtik», - dedi jumys tobynyń basshysy.
Ol, sondai-aq, jer qanyastary salasyndaǵy mamandardyń bilimine qatysty problemalar bar ekenin atady.
«Oqý standarttarynyń sapasyn kóterýdi kópshilik qoldady. Oqý standdartaryn damytý úshin ýniverietterge Eńbek jáne halyqty áleýmettik qorǵaý ministrligi arnaiy kásiptik standart daiyndap berýi kerek. Sol jumysty ministrlikten tezdetýdi suraimyz. Bul jerde meniń taǵy da aitarym, oblys jáne aýdan ákimderiniń qaramaǵynda arnaiy jer qatynastary basqarmalary jumys isteidi. Barlyǵy bular 229 qurylym eken. Solardyń basshylarynyń kásibi bilim deńgeiin saraptadyq. Tek qana 30 paiyzy óz jumysynyń mamany bolyp shyqty. Basqalary zańgerler, ekonomister, qurylysshylar, zootehnikter, gidrotehnikter, mehanikter jáne t.b. Mundai bilimmenbiz jer resýrstaryn basqarýda qalai tártip ornatamyz», - dedi Aqylbek Kúrishbaev.
