© Sputnik / Anatolii Ýstinenko
Aýyl sharýashylyǵy ministri Erbol Qarashókeev kásipkerlerge jer berý rásimi qalai ózgeretinin aitty, dep habarlaidy Sputnik Qazaqstan.
Qazirgi kezde kásipkerlerge jer bólýdiń ashyqtyǵy men jedeldigin qamtamasyz etý maqsatynda arnaiy zań jobasy ázirlendi. Osy qujat jer ýchaskelerin ashyq kadastrlyq kartaǵa berý tártibiniń rásimderin ońailatýdy jáne jer qatynastary salasyndaǵy qyzmetterdi tsifrlandyrý arqyly qyzmet alýshylardyń ákimdiktermen ózara is-qimylyn barynsha azaitýdy kózdeidi.
"Bul túzetýler jer komissiiasy institýtyn alyp tastaidy, jer ýchaskelerin berý rásimin birizdendiredi, jer ýchaskelerin berý rásimin avtomattandyrýǵa múmkindik beredi. Qazirgi ýaqytta zań jobasy Parlament Májilisiniń qaraýynda jatyr", - dedi Qarashókeev Ortalyq kommýnikatsiialar qyzmetinde ótken brifingte.
Ministrdiń aitýynsha, zań jobasy jyldyń sońyna deiin qabyldanady degen jospar bar.
Sondai-aq, bosalqy jer ýchaskeleri, jyljymaityn múlik obektileri týraly qolda bar derekterdi biryńǵai derekqorǵa biriktirý qarastyrylǵan.
