© Sputnik / Vladimir Vyatkin / Mediabankke ótý
Qaraǵandy oblysynyń Qarqaraly qalasynda Jeńistiń 80 jyldyǵyna orai maidangerler týraly kitap jazylyp jatyr. Batyr atalarymyzdyń erligi jaily tarih mýzei muraǵattary men urpaqtarynyń áńgimeleri arqyly qalpyna keltirilip jatyr, dep habarlady ákimdik.
"Qarqaraly óńirinen soǵysqa shaqyrylǵandardyń barlyǵynyń ómirbaianyn jinaqtaý ideiasyn tarihi-ólketaný mýzeii qyzmetkerleriniń usynǵan. Olar Otan úshin ot keshken jaýyngerlerdiń tarihyn júieleýdi 2015 jyly Jeńistiń 70 jyldyǵy qarsańynda bastady", - dep habarlady ákimdik.
Endi araǵa 10 jyl salyp, sol kezde jinaqtalǵan materialdy tolyqtyryp, kitap etip shyǵarýdy jón kórgen. Jobany mýzei qyzmetkerlerimen birge belgili ólketanýshy Saiat Ospanov ta qolǵa aldy.
"Búgingi kúnge deiin 124 maidanger týraly aqparat tústi, biraq bizge urpaqtarynyń aýzynan estigen áńgime az, biz áskeri komissariattyń qujattaryn, ómirbaiany men fotosýretterin de dálel retinde suraimyz", - deidi ol.
Material jinaqtaý naýryz aiynyń sońyna deiin jalǵasady, kitapty Jeńistiń 80 jyldyq mereitoiyna deiin shyǵarý josparlanyp otyr.
Qarqaraly aýdandyq qorǵanys isteri jónindegi bólimniń málimeti boiynsha 1941-1945 jyldary maidanǵa 2178 adam attanǵan. Onyń 737-i ǵana elge oralypty.
