Foto: Ulttyq bank
Qazaqstan Ulttyq banki 9 mamyrda Uly Jeńistiń 80 jyldyǵyna arnap nominaly 1 myń teńgelik banknotany ainalymǵa shyǵarady, dep habarlaidy Ult.kz.
Banknotalardyń taralymy - 5 million dana. Onyń túsi – qońyr-sarǵylt.
Aldyńǵy betinde:
Dańq memorialy beinelengen, Otan úshin jan qiǵan batyrlarǵa kórsetilgen qurmet belgisi – 28 gvardiiashy-panfilovshylar atyndaǵy saiabaqta ornalasqan.
Mikro-optikalyq qorǵanys jolaǵy. Banknota buryshyn ózgertken kezde jolaqta tereńdiktiń, kólemniń jáne jyltyrdyń úsh ólshemdi áseri, sondai-aq máńgilik alaý men ushyp bara jatqan tyrnalar kórinedi. Tyrnalar silýeti – jaqsylyq pen úmittiń beinesi – ómirdi sýretteidi.
Ekinshi betinde:
Foto: Ulttyq bank
Tarihi muraǵattyq fotosýretterdiń úzindilerimen Qazaqstan kartasy beinelengen. Erlik, tabandylyq pen batyrlyqtyń simvoly retinde Otan soǵysy ordeni beinelengen.
Nominaly 1 000 teńgelik mereitoilyq banknota óz qunyna sai Qazaqstan Respýblikasynyń búkil aýmaǵynda tólemniń barlyq túri boiynsha qabyldanady. Sondai-aq, bank shotyna salýǵa, Qazaqstan Respýblikasynyń barlyq bankinde aýdarýǵa jáne usaqtalýǵa mindetti.
Materialdy qoldanǵan jaǵdaida, bastapqy 1 nemese 2-sóilemde malim.kz saityna gipersilteme berýińizdi suraimyz. Avtorlyq quqyqty qurmettegenińizge alǵys aitamyz.
