QR Premer-ministriniń orynbasary bolyp Jeńis Qasymbek taǵaiyndaldy.
Depýtattar Jeńis Qasymbektiń kandidatýrasyn biraýyzdan maquldady.
Ol buǵan deiin Qazaqstan Respýblikasy Indýstriia jáne infraqurylymdyq damý ministri bolyp qyzmet etken bolatyn.
Jeńis Qasymbek 1975 jyly 7 mamyrda dúniege keldi.
QazBSQA (Almaty q.) «Sáýletshi-dizainer» mamandyǵy boiynsha, sondai-aq L.N. Gýmilev atyndaǵy EUÝ «Ekonomist-menedjer» mamandyǵy boiynsha aiaqtady, ekonomika ǵylymdarynyń kandidaty
Ár jyldary QR Tabiǵi monopoliialardy retteý jáne básekelistikti qorǵaý jónindegi agenttiktiń temir jol kóligi jáne porttar bóliminiń basshysy, Úilestirý jáne tariftik saiasat departamentiniń tariftik saiasat bóliminiń basshysy, QR Kólik jáne kommýnikatsiia ministrliginiń Sý kóligi departamentiniń direktory, «Aqtaý halyqaralyq teńiz porty» RMK direktory laýazymyn atqardy.
2005 jyldan bastap – Qazaqstan Respýblikasy Kólik jáne kommýnikatsiia vitse-ministri.
2009 jyldan bastap - Qazaqstan Respýblikasy Kólik jáne kommýnikatsiia ministrliginiń Jaýapty hatshysy.
2014 jylǵy naýryzdan bastap – Qazaqstan Respýblikasy Kólik jáne kommýnikatsiia ministri.
2014 jylǵy tamyzdan bastap – Qazaqstan Respýblikasy Investitsiialar jáne damý birinshi vitse-ministri.
2016 jylǵy maýsymnan bastap – Qazaqstan Respýblikasy Investitsiialar jáne damý ministri.
Nagradalar: «Qurmet» (2007 j.) jáne «Parasat» ordenderi (2017 j.), «Qazaqstan Respýblikasynyń Táýelsizdigine 10 jyl» (2001 j.), «Astanaǵa 10 jyl» (2008 j.) jáne «Qazaqstan Konstitýtsiiasyna 20 jyl» mereitoilyq medalderi (2015 j.).
