Foto:elements.envato.com
Qazaqstanda jeńildetilgen avtonesie baǵdarlamasy boiynsha bir aptada 34 adam kólik aldy, - dep habarlaidy Tengrinews.kz agenttigi astanatv.kz saityna silteme jasap.
Telearna málimetinshe, bir aptada 14 myńnan astam ótinish túsip, sonyń 5 myńǵa jýyǵyn bank maquldaǵan. Qazir avtosalondarda 8 myń kólik bar. Maýsym aiynyń aiaǵynda onyń sany eki ese artady dep josparlanyp otyr. Avtonesieleý baǵdarlamasymen 5 brendtiń kólikterin alýǵa bolady. 32 model boiynsha tańdaý jasaýǵa múmkindik qarastyrylǵan.
"Áleýmettik turǵyda da, ekonomikalyq turǵyda da yńǵaily nárse bolsa bári sony alǵysy keledi. Sondyqtan kópshilik 100 milliard bólindi, on millionnan sanasaq, on-aq myń adam mashina alady, qalǵandary qaldy dep oilaidy. Bul arada revolverlik qaǵidat bar. Bul aqsha 30 jyl ainalatyn bolady", - dedi "Ónerkásipti damytý qory" AQ basqarýshy direktory Ǵalymjan Ádi.
