Jeńildetilgen avtonesieleý bastalǵaly beri nebári tórt kún ótken soń jańa kóliktiń kilti elordada baǵdarlamanyń birinshi qatysýshysyna tabystaldy, - dep habarlaidy Qazaqstan avtobiznes qaýymdastyǵy.
Avtomobildiń baqytty iesi - injener Bekzat Tilegen. Ol 16 mamyrda, ótinimderdi qarap-qabyldaýǵa bankterdiń alǵashqysy bolǵan Bank TsentrKredit arqyly avtokólikti bastapqy jarnasyz resimdeýge ótinim berdi. 6,5 mln teńgege 4 paiyzben kólik aldy.
"Bul, shyn máninde, kútpegen jaǵdai. Kóptegen tilek bildirýshilerdiń arasynda ótinish berdim, sol kezde meniń qyzymnyń týǵan kúni boldy. Barlyq protsedýralardy ótip, úige kettim. Biraq men Shevrole menedjerlerinen keri qońyraý alamyn dep oilamadym, olar satyp alý-satý shartyn jasaýǵa bolady dedi. Qyzmetkerlerge úlken jáne úilesimdi jumys úshin alǵys aitamyn. Búgin biz kiltterdi alyp jatyrmyz. Bul bizdiń otbasymyz úshin salondaǵy alǵashqy mashina jáne de biz úshin - bul aitýly oqiǵa", - dep óz áserimen bólisti Bekzat Tilegen.
Búginnen bastap basqa qazaqstandyqtar da osyndai baqytqa ie bola alady. Ótinish berýshiler baǵdarlama sharttaryna tolyq sáikes kelgen jaǵdaida, avtosalondar men ekinshi deńgeidegi bankter ardaqty avtomobilderdi kezeń-kezeńmen berýge daiyn. Ónerkásipti damytý qory atap ótkendei, baǵdarlamada qatysýshy bankter búgingi tańda 31,7 mlrd teńge somasyna 4290 ótinimdi maquldady.
