"Ónerkásipti damytý qory" ókili jeńildetilgen avtonesiege ótinim qabyldaý toqtatylatyny týraly aqparatqa qatysty pikir bildirdi, - dep habarlaidy Tengrinews.kz agenttigi.
Qordyń baspasóz qyzmeti ókili jeńildetilgen avtonesieni qarjylandyrý aiasynda qor ekinshi deńgeili bankterge myna limittermen 100 milliard teńge bólgenin aitty:
- "Eýraziialyq bank" AQ - 35 milliard teńge (1 transh - 15 milliard teńge, 2 transh - 20 milliard teńge),
- "Bank TsentrKredit" AQ - 27,5 milliard teńge;
- "Qazaqstan Halyq banki" AQ - 15 milliard teńge,
- Forte Bank AQ - 15 milliard teńge.
"Jeńildetilgen avtonesie baǵdarlamasyna qatysýshy bankter jalpy somasy 71 milliard teńgege 9575 ótinimdi maquldady, sonyń ishinde: "Eýraziialyq Bank" AQ - 15,6 milliard teńge somasyna, "Bank TsentrKredit" AQ - 25,9 milliard teńge somasyna, "Qazaqstan Halyq banki" AQ - 19,4 milliard teńge somasyna, Forte Bank AQ - 9,9 milliard teńge somasyna. Qazir "Eýraziialyq bank" 15 milliard teńge somasyndaǵy ótinimderdi maquldap, 20 milliard teńgege ekinshi transhty alý rásiminen ótip jatyr", - dedi qordyń baspasóz qyzmeti ókili.
"Bank TsentrKredit" AQ pen "Qazaqstan Halyq banki" AQ avtonesie alýǵa berilgen ótinimderdi maquldaý arqyly barlyq limitti is júzinde igergeni aityldy.
"Qazaqstan Halyq banki" AQ 7,5 milliard teńge somasyna ekinshi transhty alý boiynsha rásimderden ótip jatyr, Forte Bank avtonesie alý úshin ótinimderdi qabyldaýdy jalǵastyryp jatyr.
"Kelesi aptada qor "Eýraziialyq Bank" AQ jáne "Qazaqstan Halyq banki" AQ-ǵa qalǵan limitterin beredi, olar osy limitter sheńberinde ótinimderdi qabyldaýdy qaita bastaidy", - dep túsindirdi qordyń baspasóz qyzmeti ókili.
