"ٶنەركەسٸپتٸ دامىتۋ قورى" ٶكٸلٸ جەڭٸلدەتٸلگەن اۆتونەسيەگە ٶتٸنٸم قابىلداۋ توقتاتىلاتىنى تۋرالى اقپاراتقا قاتىستى پٸكٸر بٸلدٸردٸ, - دەپ حابارلايدى Tengrinews.kz اگەنتتٸگٸ.
قوردىڭ باسپاسٶز قىزمەتٸ ٶكٸلٸ جەڭٸلدەتٸلگەن اۆتونەسيەنٸ قارجىلاندىرۋ اياسىندا قور ەكٸنشٸ دەڭگەيلٸ بانكتەرگە مىنا ليميتتەرمەن 100 ميلليارد تەڭگە بٶلگەنٸن ايتتى:
- "ەۋرازييالىق بانك" اق - 35 ميلليارد تەڭگە (1 ترانش - 15 ميلليارد تەڭگە, 2 ترانش - 20 ميلليارد تەڭگە),
- "بانك تسەنتركرەديت" اق - 27,5 ميلليارد تەڭگە;
- "قازاقستان حالىق بانكٸ" اق - 15 ميلليارد تەڭگە,
- Forte Bank اق - 15 ميلليارد تەڭگە.
"جەڭٸلدەتٸلگەن اۆتونەسيە باعدارلاماسىنا قاتىسۋشى بانكتەر جالپى سوماسى 71 ميلليارد تەڭگەگە 9575 ٶتٸنٸمدٸ ماقۇلدادى, سونىڭ ٸشٸندە: "ەۋرازييالىق بانك" اق - 15,6 ميلليارد تەڭگە سوماسىنا, "بانك تسەنتركرەديت" اق - 25,9 ميلليارد تەڭگە سوماسىنا, "قازاقستان حالىق بانكٸ" اق - 19,4 ميلليارد تەڭگە سوماسىنا, Forte Bank اق - 9,9 ميلليارد تەڭگە سوماسىنا. قازٸر "ەۋرازييالىق بانك" 15 ميلليارد تەڭگە سوماسىنداعى ٶتٸنٸمدەردٸ ماقۇلداپ, 20 ميلليارد تەڭگەگە ەكٸنشٸ ترانشتى الۋ رەسٸمٸنەن ٶتٸپ جاتىر", - دەدٸ قوردىڭ باسپاسٶز قىزمەتٸ ٶكٸلٸ.
"بانك تسەنتركرەديت" اق پەن "قازاقستان حالىق بانكٸ" اق اۆتونەسيە الۋعا بەرٸلگەن ٶتٸنٸمدەردٸ ماقۇلداۋ ارقىلى بارلىق ليميتتٸ ٸس جٷزٸندە يگەرگەنٸ ايتىلدى.
"قازاقستان حالىق بانكٸ" اق 7,5 ميلليارد تەڭگە سوماسىنا ەكٸنشٸ ترانشتى الۋ بويىنشا رەسٸمدەردەن ٶتٸپ جاتىر, Forte Bank اۆتونەسيە الۋ ٷشٸن ٶتٸنٸمدەردٸ قابىلداۋدى جالعاستىرىپ جاتىر.
"كەلەسٸ اپتادا قور "ەۋرازييالىق بانك" اق جەنە "قازاقستان حالىق بانكٸ" اق-عا قالعان ليميتتەرٸن بەرەدٸ, ولار وسى ليميتتەر شەڭبەرٸندە ٶتٸنٸمدەردٸ قابىلداۋدى قايتا باستايدى", - دەپ تٷسٸندٸردٸ قوردىڭ باسپاسٶز قىزمەتٸ ٶكٸلٸ.
