Jeńildetilgen avtonesie sharttary qashan belgili bolatyny aityldy, - dep habarlaidy Tengrinews.kz tilshisi Indýstriia jáne infraqurylymdyq damý ministrligine silteme jasap.
Vedomstvo málimetinshe, talaptar men kriteriiler biyl sáýirdiń aiaǵyna deiin bekitilmek.
"Otandyq tehnikany satyp alý sharttary, sondai-aq qarjylandyrý tártibi memlekettik organdarda kelisý rásimderinen ótý satysynda. Sáýirdiń sońyna deiin barlyq rásimderdi aiaqtaý josparlanyp otyr", - delingen habarlamada.
Indýstriia jáne infraqurylymdyq damý ministrligi Ekologiia, geologiia jáne tabiǵi resýrstar ministrligimen birlese otyryp, "Jasyl Damý" AQ qarajaty esebinen Qazaqstan azamattarynyń jeńildetilgen nesiege avtokólikter satyp alýy, sondai-aq avtobýstar parkin jańartý baǵdarlamasyn ázirlep jatyr.
"Jeńildetilgen nesielendirý baǵdarlamasy boiynsha qarjylandyrýdyń jalpy somasy shamamen 100 milliard teńge jáne Qazaqstan aimaqtarynda avtobýstardy jańartýǵa shamamen 30 milliard teńge.
Máselen, halyq úshin satyp alý sharttary 0 paiyzdan bastap bastapqy jarna, nesie merzimi 7 jylǵa deiin, satyp alýshy úshin 1 birlik avtokólik úshin nesieniń maksimaldy somasy 10 000 000 teńgeden aspaidy", - delingen habarlamada.
