Úkimet úiindegi brifingte halyqty jeńildetilgen avtonesieleý jumystary qashan bastalatyny aityldy, dep habarlaidy QazAqparat.
«Avtonesie sharttary bekitildi. Tek bekitilgennen keiin zań boiynsha 10 kún tirkeýden ótýi kerek. Bizdiń qujattar tolyǵymen 15 sáýirde bekitilgen, tiisinshe Ekologiia ministrligi de qujattardy 24 sáýirde bekitti. Biraq tirkeýden ótý sekildi rásimder shamamen 10 kúnge sozylady», - dedi Indýstriia jáne infraqurylymdyq damý ministri Qaiyrbek Óskenbaev Úkimet úiinde ótken baspasóz máslihatynda.
Ministrdiń aitýynsha, 6 mamyrǵa deiin qarajat Ónerkásipti damytý qoryna aýdarylady.
«Bul - «Báiterek» qorynyń aktsionerlik qoǵamy. Báiterek qory, Qazaqstannyń ónerkásipti damytý qory ózi jumys isteitin banktermen shart jasasýy tiis. Osydan keiin olar atalǵan bankterdiń shotyna aqsha aýdarýy kerek jáne bankter jumysqa kirisýi kerek. Oǵan qansha ýaqyt ketetinin ár bankpen jeke anyqtaimyz. Ázirge birneshe bankpen ýaǵdalastyq bar. Olarmen kelisim jasaldy, qazir bul jumys pysyqtalyp jatyr», - dedi Q. Óskenbaev.
Sonymen birge, QR Ekologiia, geologiia jáne tabiǵi resýrstar ministri Serikqali Brekeshev ýtilizatsiialyq alymnyń somasyn azaitý buiryǵy qashan kúshine enetinin aitty.
«Bul buiryq búkil memlekettik organdarmen kelisildi jáne Ádilet ministrligine memlekettik tirkeýge jiberildi. Ádilet ministrliginen shyqqan soń belgili bolady», - dedi Serikqali Brekeshev.
Ekologiia ministrligi baspasóz qyzmetiniń naqtylaýynsha, ýtil alymyn 50 paiyzǵa deiin tómendetý buiryǵy 11 mamyrda kúshine enedi.
