© Photo : CC0 / ArtisticOperations
Jeńildetilgen avtokredit baǵdarlamasy osy aptanyń sońynda iske qosylmaityn boldy. "Jasyl damý" AQ-dan baǵdarlamany qarjylandyrýǵa 100 milliard teńge 10 mamyrǵa deiin bólinedi. Bul týraly ekologiia, geologiia jáne tabiǵi resýrstar ministri Serikqali Brekeshev málimdedi, dep habarlaidy Sputnik Qazaqstan tilshisi.
Úkimet kýlýarynda ministrden jeńildetilgen avtokredit baǵdarlamasyna "Jasyl damý" operatorynan qarjy qashan bólinetinin suradyq. Brekeshevtiń aitýynsha, baǵdarlama mamyrdyń onyna qarai qarjylandyrylady.
"Úkimet qaýlysy shyqty. Qazir "Jasyl damýdyń" korporativtik qujattaryn daiyndap jatyrmyz. Jaqyn arada, buiyrtsa, mamyrdyń onyna deiin bekitemiz. "Jasyl damýdan" aqsha mamyrdyń onyna deiin bólinedi. Baǵdarlama sol kezde iske qosylady", - dedi Brekeshev Sputnik Qazaqstan tilshisine.
Iaǵni, buǵan deiin aitylyp kelgendei, avtokredit baǵdarlamasy sáýirdiń sońyna deiin iske qosylmaityn bolyp shyqty. Baǵdarlamanyń naqty qashan bastalatynyn indýstriia jáne infraqurylymdyq damý ministri Qaiyrbek Óskenbaevtan da surap kórdik.
"Biz óz tarapymyzdan qujattardy 15 sáýirde bekittik. Bekitilgen qujattardy áriptes ministrlikke berdik. Bizdiń qujat tirkeldi. Al endi olardyń qujattaryn kútip otyrmyz. Men óz tarapymnan jumysymdy jasadym. Endi ol ministrlik (ekologiia – Sputnik) óz buiryǵyn bekitýi kerek. Ol kisiler onynshy mamyrda dese, onda onynshy mamyrda bekitiledi", - dep jaýap berdi Óskenbaev.
Eske salsaq, buǵan deiin úkimet jeńildetilgen avtokredit baǵdarlamasy sáýir aiynyń sońyna deiin iske qosylady dep málimdegen edi. Indýstriia jáne infraurylymdyq damý ministrligi baǵdarlama sharttaryn bekitti. Endi ekologiia, geologiia jáne tabiǵi resýrstar ministrligine qaraityn "Jasyl damý" AQ-dan baǵdarlamany qarjylandyrýǵa aqsha bólinýge tiis.
