QR Sybailas jemqorlyqqa qarsy is-qimyl agenttigi qujat ainalymy basqarmasynyń basshysy Qýanysh Myrzaǵali vedomstvoda «Halyq únine qulaq asatyn memleket» tujyrymdamasy qalai júzege asyrylyp jatqanyn aityp berdi, dep habarlaidy QazAqparat.
«Halyq únine qulaq asatyn memleket» tujyrymdamasyn júzege asyrý aiasynda ashyqtyq, jedeldik jáne tiimdi den qoiý ustanymdary arqyly halyqpen keri bailanysty qamtamasyz etemiz. Bul baǵyttaǵyjumystar josparly, saraptamalyq negizge uiymdastyrylatyndyǵyn atap ótken oryndy. Bizdiń organnyń tiimdi qyzmetin baǵalaýdyń basty kriteriii - halyq senimi«,- dedi ol agenttiktiń Facebook paraqshasynda ótken onlain brifing barysynda.
Onyń atap ótýinshe, agenttiktiń ortalyq apparatynyń jáne aýmaqtyq departamentteriniń basshylary kún saiyn vedomstvonyń portalynda internet konferentsiia arqyly azamattardan túsip jatqan saýaldarǵa jaýap beredi. Beiindi bólimshelerdiń jetekshileri áleýmettik jelide de belsendi jumys istep, azamattardan kelip túsken suraqtarǵa, pikirlerge jaýap berip otyrady. Sonymen qatar ol elimizdiń jemqorlyqqa qarsy saiasatyn jan-jaqty túsindiredi.
«Azamattarǵa quqyqtyq kómek kórsetý úshin, sonymen qatar olardyń quqyqtyq jáne jemqorlyqqa qarsy mádenietin arttyrý maqsatynda onlain formatta jumys isteitin «Adal kómek» atty jańa volenterlik joba iske qosyldy. Bul jumysqa tanymal advokattar, quqyq tanýshylar men zańgerler jumyldyrylǵan. Osy joba aiasynda 620 myńnan astam turǵyndy qamtyǵan 600-den astam efir bolyp, 7,5 myńnan astam azamat quqyqtyq kómek aldy»,- deidi basqarma basshysy.
Qýanysh Myrzaǵalidyń dereginshe, elimizdiń barlyq óńirinde «Adaldyq alańy» atty jalpyulttyq joba júzege asyrylyp jatyr. Ol azamattyq qoǵammen ózara is-qimyl alańy sanalady. Búginde bul joba qyzmetimen 700-den astam adam qamtyldy. Eriktiler sany 75 myńnan astam adamǵa jetip otyr.
