Májiliste «QR-nyń keibir zańnamalyq aktilerine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly» zań jobasy boiynsha maquldandy, dep habarlaidy QazAqparat.
«Zań jobasy Parlament Májilisinde 29 sáýirde birinshi oqylymda maquldanǵan. Zań jobasy sybailas jemqorlyqqa qarsy is-qimyl salasyndaǵy zańnamany odan ári jetildirýge baǵyttalǵan. Jumys tobynyń zań jobasymen jumys isteýi barysynda depýtattar quqyq qorǵaý organy, arnaýly memlekettik organ qyzmetkeriniń, áskeri qyzmetshiniń qylmys jasaýǵa arańdatqany úshin qylmystyq jaýaptylyqty belgileýdi engizdi. Sondai-aq, kvazimemlekettik sektor sýbektileriniń basshylaryn sybailas jemqorlyqqa qarsy is-qimyl boiynsha sharalar qabyldamaǵany úshin jaýaptylyqqa jatatyn sýbektiler qataryna engizý, sybailas jemqorlyqqa qarsy qyzmettiń jedel-tergeý bólimsheleriniń qyzmetkerlerine turǵyn úi tólemderin belgileý jóninde túzetýlerdi usyndy. Budan basqa, depýtattar zań jobasyn zań tehnikasynyń talaptaryna sáikes keltirý boiynsha, sondai-aq onyń mazmunyn naqtylaityn jáne jaqsartatyn túzetýlerdi usyndy», - dedi Májilistiń jalpy otyrysynda depýtat Muhtar Erman.
Zań jobasy boiynsha depýtattar men memlekettik organdar ókilderiniń qatysýymen jumys tobynyń 6 otyrysy ótkizilgen.
«Parlament Májilisiniń komitetteri atalǵan zań jobasy boiynsha oń qorytyndylaryn usyndy. Zań jobasy boiynsha kelip túsken barlyq usynystar jumys tobynyń jáne komitettiń otyrystarynda jan-jaqty qaralyp, talqylandy», - dedi ol.
